فوتو: اشىق دەرەككٶز
قر ٸشكٸ ٸستەر مينيسترٸنٸڭ ورىنباسارى يگور لەپەحا قىزىلوردادا 16 جاسار وقۋشىنى جەزٶكشەلٸككە مەجبٷرلەۋ تۋرالى قىلمىستىق ٸسكە قاتىستى جاڭا دەرەكتەردٸ جارييالادى, دەپ حابارلايدى Kazinform.
«وسى بويىنشا 13 ادام انىقتالدى, ونىڭ ٸشٸندە 11-ٸ قاماۋعا الىندى, ەكەۋٸ ٷي قاماقتا وتىر. قازٸرگٸ كەزدە بٸرقاتار باپ بويىنشا قىلمىستىق ٸستەر قوزعالدى. 13 ادامنىڭ اراسىندا قىزدى مەجبٷرلەگەندەر دە, ۇيىمداستىرعاندار دا بار. بۇل ٸس بويىنشا باسقا دەرەكتەردٸ جارييالاي المايمىن, سەبەبٸ ونىڭ مەن-جايى تەرگەۋشٸلەردٸڭ قۇزىرەتٸندە», - دەدٸ ي. لەپەحا سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرە وتىرىپ.
ونىڭ ايتۋىنشا, وقۋشى قىزعا قاتىستى زاڭسىز ەرەكەت جاساعانداردىڭ بارلىعى تەكسەرٸلٸپ جاتىر.
ەسكە سالساق, بيىل تامىز ايىندا قىزىلوردا قالاسىندا مەكتەپ وقۋشىلارى «سىنىپتاسىن سەكس-قۇلدىقتا ۇستادى» دەگەن كٷدٸككە ٸلٸندٸ.
بٸر توپ جاسٶسپٸرٸم 16 جاسار قىزدى قيناپ ۇستاعانى, ەسٸرتكٸ بەرٸپ, جەزٶكشەلٸكپەن اينالىسۋعا مەجبٷرلەگەنٸ تۋرالى اقپارات تارادى.
وقۋشى قىزدىڭ اتا-اناسى جاعدايدى قوعامدىق قورعا حابارلاعان.
قىزىلوردا پوليتسيياسى اتالعان دەرەك بويىنشا كٷدٸكتٸلەردٸ ۇستاپ, ۋاقىتشا ۇستاۋ يزولياتورىنا قامادى. كەيٸن كٷدٸككە ٸلٸنگەن مەكتەپ وقۋشىلارى ٷيقاماققا اۋىستىرىلدى.
وقيعاعا بايلانىستى №7 مەكتەپ-ليتسەي ديرەكتورى, تەربيە ٸسٸ جٶنٸندەگٸ ورىنباسارى, پسيحولوگى, ەلەۋمەتتٸك پەداگوگٸ, سىنىپ جەتەكشٸلەرٸ جۇمىستان بوساتىلدى.
