تانىمال ەنشٸ ٶمٸرقۇل اينييازوۆ جۇبايىمەن 21 جىل بويى پەرزەنت كٷتكەنٸن ايتىپ, سول كەزەڭدە باسىنان ٶتكەن اۋىر سەتتەردٸ ەسكە الدى. ٶنەر يەسٸ تٸپتٸ ەكٸنشٸ رەت ٷيلەنۋدٸ دە ويلاعانىن مويىندادى, دەپ حابارلايدى ult.kz.

ەنشٸ Kezdesu Youtube-ارناسىنا بەرگەن سۇحباتىندا وتباسى, ماحاببات جەنە بالا تەربيەسٸ تۋرالى ويىن ورتاعا سالدى. ونىڭ ايتۋىنشا, ەرلٸ-زايىپتىلاردى بٸر شاڭىراق استىندا ۇستاپ تۇراتىن باستى نەرسە – بالا ەمەس, بٸر-بٸرٸنە دەگەن سٷيٸسپەنشٸلٸك پەن قۇرمەت.
"ماحاببات – بٸرٸنشٸ بولۋ كەرەك. كەيبٸر ادامدار "ماحاببات جوق, بالا ٷشٸن جٷرەدٸ" دەپ جاتادى. ولاي بولمايدى دەپ ويلايمىن. ماحاببات بولماسا, بٸرەۋدٸڭ قاسىنا جاتۋ دا وڭاي ەمەس. سوندىقتان بٸرٸنشٸ ماحاببات, سودان سوڭ سىيلاستىق, باعالاۋ", – دەدٸ ەنشٸ.
21 جىلدىق كٷتۋ جەنە ەكٸنشٸ ەيەل الۋ تۋرالى وي
ٶمٸرقۇل اينييازوۆ وتباسىمەن بٸرگە ۇزاق جىلدار بويى سەبي سٷيۋدٸ ارمانداعانىن ايتتى. پەرزەنت كٷتكەن جىلدارى تٷرلٸ قيىندىقتارعا تاپ بولىپ, كەيدە بولاشاعىنا قاتىستى كٷردەلٸ ويلارعا بەرٸلگەن.
ەنشٸ بٸر كەزدەرٸ ەكٸنشٸ ەيەل الۋدى دا ويلاعان. الايدا مۇنداي قادامعا بارۋعا جٷرەگٸ داۋالاماعانىن جەتكٸزدٸ.
"21 جىل بويى بالالى بولا الماي جٷرگەن كەزدە ادامنىڭ باسىنا نەشە تٷرلٸ وي كەلەدٸ. مەن دە "مٷمكٸن باسقا ەيەل الۋ كەرەك شىعار" دەپ ويلادىم. بٸراق جالعىز بالامنىڭ كٶزٸ مٶلدٸرەپ باسقا جاقتا جٷرگەنٸن ەلەستەتە المادىم. مەنٸڭ جٷرەگٸم وندايعا داۋالامادى", – دەدٸ ٶنەر يەسٸ.
ونىڭ سٶزٸنشە, وتباسى ٷشٸن ەڭ ماڭىزدىسى – قيىندىققا قاراماستان, بٸر-بٸرٸنە دەگەن سەنٸم مەن سىيلاستىقتى جوعالتپاۋ.

ەكٸ بالاسى ەكو ارقىلى دٷنيەگە كەلگەن
ٶنەر يەسٸ سۇحباتتا بالالارىنىڭ قالاي دٷنيەگە كەلگەنٸن دە جاسىرمادى. ايتۋىنشا, كەيٸنگٸ ەكٸ پەرزەنتٸ ەكستراكورپورالدى ۇرىقتاندىرۋ (ەكو) ەدٸسٸمەن تۋعان. ەرلٸ-زايىپتىلار 2013 جىلدان باستاپ وسى جولمەن بالالى بولۋعا تالپىنىپ, كٶپ جىل بويى نەتيجەسٸن كٷتكەن.
"جاسىرۋدىڭ قاجەتٸ جوق, كەيٸنگٸ ەكٸ بالامىز دا ەكو ارقىلى دٷنيەگە كەلدٸ. ونىڭ ٶزٸ دە وڭاي ەمەس. ول دٷنيەمەن 2013 جىلدان باستاپ اينالىسساق, 2021 جىلى بالالى بولدىق", – دەدٸ ەنشٸ.
ٶمٸرقۇل اينييازوۆ بۇل جولدىڭ وڭاي بولماعانىن ايتىپ, ۇزاق كٷتكەن سەبيلەرٸنٸڭ دٷنيەگە كەلۋٸ وتباسى ٷشٸن ٷلكەن قۋانىش بولعانىن جەتكٸزدٸ.
"ەلدەن ۇيالىپ, ۋاقىت جوعالتپاڭىزدار"
ەنشٸ پەرزەنت سٷيە الماي جٷرگەن وتباسىلارعا دا كەڭەس بەردٸ. ونىڭ پٸكٸرٸنشە, كەيبٸر ەرلٸ-زايىپتىلار جۇرتتىڭ سٶزٸنەن قىسىلىپ, دەرٸگەرگە قارالۋدى كەيٸنگە قالدىرادى. سونىڭ سالدارىنان قىمبات ۋاقىتىن جوعالتۋى مٷمكٸن.
"قازاقىلىققا سالىنىپ, ەلدەن ۇيالاپ قالماۋ كەرەك. كٶپ جاس بالالارمەن ەڭگٸمە ايتقاندا "ۋاقىت ٶتكٸزبە, مەسەلەنٸ تٷبٸنە دەيٸن شەشۋ كەرەك" دەپ ايتامىن", – دەدٸ ٶمٸرقۇل اينييازوۆ.
ٶنەر يەسٸ ەكو ارقىلى بالالى بولۋدى ۇيات ساناماۋعا شاقىردى. ول سەبي سٷيگٸسٸ كەلەتٸن جۇپتارعا ۋاقىت وزدىرماي, مامانداردان كٶمەك سۇراۋدىڭ ماڭىزدى ەكەنٸن ايتتى.