Qyzylorda oblysynda koronavirýstyń ekinshi tolqynyna daiyndyq kúsheitildi, dep habarlaidy "Ult aqparat".
Qazirgi tańda oblysta epidemiologiialyq jaǵdai turaqty əri meditsinalyq mekemeler shtatyq rejimde jumys júrgizýde. Degenmen óńir jurtshylyǵy koronavirýstyń ekinshi tolqynyna daiyndyq barysyna óz deńgeiinde kóńil bólip otyr. Óńirde 21 infektsiialyq statsionar qajet bolǵan jaǵdaida jumysyn qaita jalǵastyrady. Olardy 3200 tósekke deiin keńeitýge múmkindik bar.
«Qarasha aiynda 200 tósektik modýldik infektsiialyq aýrýhananyń qurylysy aiaqtalady dep josparlanyp otyr. Demeýshilerdiń qoldaýymen oblystyq kópbeiindijəne Qazaly aýdanaralyq aýrýhanalarynda ottegi stantsiiasyn salý mejelengen.
Atalǵan emdeý oryndarynda ortalyqtandyrylǵan ottegimen jabdyqtaýǵa arnalǵan qondyrǵylar ornatylady. Búgingi tańda oblystyq meditsinalyq mekemelerde 244 jeldetkish, 9 PTR, 60 rentgen apparattary, 658 ottegi kontsentraty bar», - dedi oblys əkiminiń orynbasary Naýryzbai Baiqadamov brifingte.
Búginde asa qajetti bolǵan dəri-dərmek túrleriniń 2 ailyq qory quryldy. Ol jóninen eshqandai problema joq. Sondai-aq, dəri-dərmek satyp alý úshin biýdjetten 350 mln. teńge qarjy qaraldy.
«Qazan aiynda meditsina salasyna 40 kólik keledi dep kútilýde. Kólikter qazan jəne qarasha ailarynda tolyqtai jetkiziledi. Sonymen birge, 3500 meditsinalyq qyzmetkerge arnalǵan kadrlyq rezerv jasaqtaldy», - dedi oblys əkiminiń orynbasary.
Ambýlatoriialyq-emhanalyq bólim mamandary kúz-qys mezgilderinde p andemiianyń jańa tolqynynyń paida bolý yqtimaldyǵyn eskere otyryp, sozylmaly aýrýlary bar təýekel tobyndaǵy adamdar erekshe baqylaýǵa aldy.
Oblysta naýqastarǵa kómek jəne ambýlatoriialyq emhanalyq qyzmet kórsetetin 138 meditsinalyq mobildi top jumys isteidi. Odan bólek maskalyq rejim, əleýmettik ara qashyqtyqty saqtaý, antiseptikalyq dəri-dərmekterdiń bolýy sekildi sanitarlyq epidemologiialyq normalardy baqylaityn 24 monitoringtik top jumys júrgizedi.
