قىزىلوردا وبلىسىندا كوروناۆيرۋستىڭ ەكٸنشٸ تولقىنىنا دايىندىق كٷشەيتٸلدٸ, دەپ حابارلايدى "ۇلت اقپارات".
قازٸرگٸ تاڭدا وبلىستا ەپيدەميولوگييالىق جاعداي تۇراقتى əرٸ مەديتسينالىق مەكەمەلەر شتاتىق رەجيمدە جۇمىس جٷرگٸزۋدە. دەگەنمەن ٶڭٸر جۇرتشىلىعى كوروناۆيرۋستىڭ ەكٸنشٸ تولقىنىنا دايىندىق بارىسىنا ٶز دەڭگەيٸندە كٶڭٸل بٶلٸپ وتىر. ٶڭٸردە 21 ينفەكتسييالىق ستاتسيونار قاجەت بولعان جاعدايدا جۇمىسىن قايتا جالعاستىرادى. ولاردى 3200 تٶسەككە دەيٸن كەڭەيتۋگە مٷمكٸندٸك بار.
«قاراشا ايىندا 200 تٶسەكتٸك مودۋلدٸك ينفەكتسييالىق اۋرۋحانانىڭ قۇرىلىسى اياقتالادى دەپ جوسپارلانىپ وتىر. دەمەۋشٸلەردٸڭ قولداۋىمەن وبلىستىق كٶپبەيٸندٸجəنە قازالى اۋدانارالىق اۋرۋحانالارىندا وتتەگٸ ستانتسيياسىن سالۋ مەجەلەنگەن.
اتالعان ەمدەۋ ورىندارىندا ورتالىقتاندىرىلعان وتتەگٸمەن جابدىقتاۋعا ارنالعان قوندىرعىلار ورناتىلادى. بٷگٸنگٸ تاڭدا وبلىستىق مەديتسينالىق مەكەمەلەردە 244 جەلدەتكٸش, 9 پتر, 60 رەنتگەن اپپاراتتارى, 658 وتتەگٸ كونتسەنتراتى بار», - دەدٸ وبلىس əكٸمٸنٸڭ ورىنباسارى ناۋرىزباي بايقاداموۆ بريفينگتە.
بٷگٸندە اسا قاجەتتٸ بولعان دəرٸ-دəرمەك تٷرلەرٸنٸڭ 2 ايلىق قورى قۇرىلدى. ول جٶنٸنەن ەشقانداي پروبلەما جوق. سونداي-اق, دəرٸ-دəرمەك ساتىپ الۋ ٷشٸن بيۋدجەتتەن 350 ملن. تەڭگە قارجى قارالدى.
«قازان ايىندا مەديتسينا سالاسىنا 40 كٶلٸك كەلەدٸ دەپ كٷتٸلۋدە. كٶلٸكتەر قازان جəنە قاراشا ايلارىندا تولىقتاي جەتكٸزٸلەدٸ. سونىمەن بٸرگە, 3500 مەديتسينالىق قىزمەتكەرگە ارنالعان كادرلىق رەزەرۆ جاساقتالدى», - دەدٸ وبلىس əكٸمٸنٸڭ ورىنباسارى.
امبۋلاتورييالىق-ەمحانالىق بٶلٸم ماماندارى كٷز-قىس مەزگٸلدەرٸندە پ اندەمييانىڭ جاڭا تولقىنىنىڭ پايدا بولۋ ىقتيمالدىعىن ەسكەرە وتىرىپ, سوزىلمالى اۋرۋلارى بار تəۋەكەل توبىنداعى ادامدار ەرەكشە باقىلاۋعا الدى.
وبلىستا ناۋقاستارعا كٶمەك جəنە امبۋلاتورييالىق ەمحانالىق قىزمەت كٶرسەتەتٸن 138 مەديتسينالىق موبيلدٸ توپ جۇمىس ٸستەيدٸ. ودان بٶلەك ماسكالىق رەجيم, əلەۋمەتتٸك ارا قاشىقتىقتى ساقتاۋ, انتيسەپتيكالىق دəرٸ-دəرمەكتەردٸڭ بولۋى سەكٸلدٸ سانيتارلىق ەپيدەمولوگييالىق نورمالاردى باقىلايتىن 24 مونيتورينگتٸك توپ جۇمىس جٷرگٸزەدٸ.
