Qyzylordada qańtar aiynda koronavirýs juqtyrǵan azamattardyń basym bóligi Qyzylorda qalasynda turady, dep habarlaidy "Ult aqparat".
Sońǵy aptada óńirde 65 adam qaterli indetke shaldyqty. Olardyń arasynda 55-iniń oblys ortalyǵynda turady.
«Keiingi ýaqytta oblysta koronavirýs juqtyrǵan azamattardyń kóbeiip bara jatqany alańdatyp otyr. Máselen, jyl basynan beri Qyzylordada 217 adam qaterli indettiń qursaýyna ilikken. Naýqastardyń basym kópshiligi oblys ortalyǵynda turatyny belgili boldy. Sondyqtan turǵyndardan barlyq saqtyq sharalaryna nazar aýdarýyn suraimyz», - dep málim etti Qyzylorda oblysy sanitariialyq-epidemiologiialyq baqylaý departamentiniń baspasóz qyzmeti.
Oblystyq óńirlik kommýnikatsiialar qyzmetiniń habarlaýynsha, búgin oblysta koronavirýs infektsiiasyna qarsy vaktsina salý bastaldy. Óńirge búgin «Spýtnik V» vaktsinasynyń 1 myń dozasy keldi. Jalpy, jyl ishinde 80 myń doza kezeń kezeńimen jetkiziledi. Birinshi kezekte erikti túrde meditsina qyzmetkerlerine, pedagogterge, sozylmaly aýrýlarmen syrqatanatyn toptaǵy adamdarǵa salynady. Oblys boiynsha 14 egý kabineti belgilendi. Budan bólek, shalǵai eldi mekende turatyn azamattarǵa vaktsina salý úshin 46 jyljymaly egý brigadasy uiymdastyryldy.
