قىزىلوردادا قاڭتار ايىندا كوروناۆيرۋس جۇقتىرعان ازاماتتاردىڭ باسىم بٶلٸگٸ قىزىلوردا قالاسىندا تۇرادى, دەپ حابارلايدى "ۇلت اقپارات".
سوڭعى اپتادا ٶڭٸردە 65 ادام قاتەرلٸ ٸندەتكە شالدىقتى. ولاردىڭ اراسىندا 55-ٸنٸڭ وبلىس ورتالىعىندا تۇرادى.
«كەيٸنگٸ ۋاقىتتا وبلىستا كوروناۆيرۋس جۇقتىرعان ازاماتتاردىڭ كٶبەيٸپ بارا جاتقانى الاڭداتىپ وتىر. مەسەلەن, جىل باسىنان بەرٸ قىزىلوردادا 217 ادام قاتەرلٸ ٸندەتتٸڭ قۇرساۋىنا ٸلٸككەن. ناۋقاستاردىڭ باسىم كٶپشٸلٸگٸ وبلىس ورتالىعىندا تۇراتىنى بەلگٸلٸ بولدى. سوندىقتان تۇرعىنداردان بارلىق ساقتىق شارالارىنا نازار اۋدارۋىن سۇرايمىز», - دەپ مەلٸم ەتتٸ قىزىلوردا وبلىسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ.
وبلىستىق ٶڭٸرلٸك كوممۋنيكاتسييالار قىزمەتٸنٸڭ حابارلاۋىنشا, بٷگٸن وبلىستا كوروناۆيرۋس ينفەكتسيياسىنا قارسى ۆاكتسينا سالۋ باستالدى. ٶڭٸرگە بٷگٸن «سپۋتنيك V» ۆاكتسيناسىنىڭ 1 مىڭ دوزاسى كەلدٸ. جالپى, جىل ٸشٸندە 80 مىڭ دوزا كەزەڭ كەزەڭٸمەن جەتكٸزٸلەدٸ. بٸرٸنشٸ كەزەكتە ەرٸكتٸ تٷردە مەديتسينا قىزمەتكەرلەرٸنە, پەداگوگتەرگە, سوزىلمالى اۋرۋلارمەن سىرقاتاناتىن توپتاعى ادامدارعا سالىنادى. وبلىس بويىنشا 14 ەگۋ كابينەتٸ بەلگٸلەندٸ. بۇدان بٶلەك, شالعاي ەلدٸ مەكەندە تۇراتىن ازاماتتارعا ۆاكتسينا سالۋ ٷشٸن 46 جىلجىمالى ەگۋ بريگاداسى ۇيىمداستىرىلدى.
