Qyzylordada 3 kúnde 340 adam vaktsina saldyrdy, dep habarlaidy "Ult aqparat".
Búginde koronavirýs infektsiiasyna qarsy ekpe jasaý jumystary qarqyndy júrýde. Biylǵy jyldyń 1 aqpanynan bastap úsh kún ishinde 340 adam vaktsina saldyrǵan. Onyń ishinde 320-sy meditsina qyzmetkeri bolsa, qalǵany - ekpe saldyrýǵa niet bildirgen turǵyndar.
Qaladaǵy №6 qalalyq emhananyń aǵa meiirbikesi Lázzat Baitabynova erikti túrde ekpe alǵandardyń biri. Vaktsina saldyrǵannan keiin densaýlyǵymda esh ózgeris bolǵan joq deidi ol.
«Turǵyndarmen jii qatynasta bolamyz. Meditsina qyzmetkerleriniń virýs juqtyrý qaýpi óte joǵary. Sondyqtan árbir dáriger jáne azamattar ekpe saldyrǵany durys dep esepteimin. Qazirgi tańda osy ekpeniń arqasynda kóptegen derttiń aldyn alýǵa bolady. Ekpe saldyrǵaly beri densaýlyǵymda esh ózgeris oryn ala qoiǵan joq. Sondyqtan ózge azamattardy da vaktsina alýǵa shaqyramyn», - deidi Lázzat Baitabynova.
Óńirge «Spýtnik V» reseilik vaktsinasynyń 1000 dozasy jetkizildi. Qalǵany kezeń-kezeńimen keletin bolady. Bul jumystarǵa qazir №1, №3 jáne №6 qalalyq emhanalardan 3 egý kabinetteri daiyndalǵan. Ekpe jumystaryn júrgizýge oblys boiynsha barlyǵy 133 meiirbike, 89 dýbler tartylǵan.
