قىزىلوردادا 3 كٷندە 340 ادام ۆاكتسينا سالدىردى, دەپ حابارلايدى "ۇلت اقپارات".
بٷگٸندە كوروناۆيرۋس ينفەكتسيياسىنا قارسى ەكپە جاساۋ جۇمىستارى قارقىندى جٷرۋدە. بيىلعى جىلدىڭ 1 اقپانىنان باستاپ ٷش كٷن ٸشٸندە 340 ادام ۆاكتسينا سالدىرعان. ونىڭ ٸشٸندە 320-سى مەديتسينا قىزمەتكەرٸ بولسا, قالعانى - ەكپە سالدىرۋعا نيەت بٸلدٸرگەن تۇرعىندار.
قالاداعى №6 قالالىق ەمحانانىڭ اعا مەيٸربيكەسٸ لەززات بايتابىنوۆا ەرٸكتٸ تٷردە ەكپە العانداردىڭ بٸرٸ. ۆاكتسينا سالدىرعاننان كەيٸن دەنساۋلىعىمدا ەش ٶزگەرٸس بولعان جوق دەيدٸ ول.
«تۇرعىندارمەن جيٸ قاتىناستا بولامىز. مەديتسينا قىزمەتكەرلەرٸنٸڭ ۆيرۋس جۇقتىرۋ قاۋپٸ ٶتە جوعارى. سوندىقتان ەربٸر دەرٸگەر جەنە ازاماتتار ەكپە سالدىرعانى دۇرىس دەپ ەسەپتەيمٸن. قازٸرگٸ تاڭدا وسى ەكپەنٸڭ ارقاسىندا كٶپتەگەن دەرتتٸڭ الدىن الۋعا بولادى. ەكپە سالدىرعالى بەرٸ دەنساۋلىعىمدا ەش ٶزگەرٸس ورىن الا قويعان جوق. سوندىقتان ٶزگە ازاماتتاردى دا ۆاكتسينا الۋعا شاقىرامىن», - دەيدٸ لەززات بايتابىنوۆا.
ٶڭٸرگە «سپۋتنيك V» رەسەيلٸك ۆاكتسيناسىنىڭ 1000 دوزاسى جەتكٸزٸلدٸ. قالعانى كەزەڭ-كەزەڭٸمەن كەلەتٸن بولادى. بۇل جۇمىستارعا قازٸر №1, №3 جەنە №6 قالالىق ەمحانالاردان 3 ەگۋ كابينەتتەرٸ دايىندالعان. ەكپە جۇمىستارىن جٷرگٸزۋگە وبلىس بويىنشا بارلىعى 133 مەيٸربيكە, 89 دۋبلەر تارتىلعان.
