Qyzylorda oblysynda 20 jastaǵy turǵyn bireýdiń aýlasynda turǵan qymbat kólikti urlap, minip ketken, dep habarlaidy QazAqparat.
Oqiǵa Qyzylorda oblysy Qarmaqshy aýdanynda boldy. Jergilikti politsiia bólimine aýdan turǵyny úiiniń aýlasynda turǵan «Nissan Maksima» avtokóligin belgisiz bireý urlap ketkeni týraly aryzdandy. Jábirlenýshige keltirilgen shyǵyn - 4 mln 500 myń teńge.
«Jedel izdestirý jumystarynyń nátijesinde urlanǵan kólik bir jarym saǵattan keiin «Batys-Qytai-Batys-Eýropa» tas jolynyń boiynda Dermentóbe aýylynyń tusynda tabyldy. Qylmys jasaǵan 20 jastaǵy turǵyn aýdandyq politsiia bólimine jetkizildi. Oqiǵanyń mán-jaiy anyqtalýda. Bul boiynsha QR Qylmystyq kodeksiniń 200-babynyń 1-bóligimen sotqa deiingi tergep-tekserý amaldary júrgizilýde», - dep málim etti Qyzylorda oblystyq politsiia departamentinen.
Vedomstvo málimetinshe, atalǵan qylmystyq isti ashýda oblystyq Politsiia departamentiniń jergilikti politsiia qyzmet basqarmasy patrýldik politsiia rotasynyń aǵa inspektorlary Jarashan Býganaev pen Erdáýlet Shalqarbaev qyraǵylyq tanytty.
