Qostanai oblysynyń eki turǵyny litsenziiasyz mikroqarjylyq qyzmet kórsetip, qylmystyq kiristerdi zańdastyrǵany úshin sottaldy. Bul týraly Qarjylyq monitoring agenttigi málimdedi, dep habarlaidy ult.kz.
Tergeý málimetinshe, 2024–2025 jyldary eki er adam tórt kompaniia arqyly aýdan ortalyqtary men kentterde zańsyz qarjy shemasyn júrgizgen.
Olar zergerlik buiymdardy kepilge qoiyp, aqsha alýdy usynǵan. Is júzinde klientterge múlkin kepilge ala otyryp aqsha berilip, odan kún saiyn 0,4 paiyz syiaqy alynǵan.
Qaryz sharty jasalmai, tólemder qujattarda taýardy keiinge qaldyryp satý komissiiasy nemese múlikti saqtaý aqysy retinde kórsetilgen.
Eki jyl ishinde bul qyzmetke 1 600-den astam adam júginip, zańsyz tabys kólemi 579 mln teńgeden asqan.
Sot er adamdardy eki jylǵa bas bostandyǵynan aiyryp, bes páterin, úsh avtokóligin jáne eki jer ýchaskesin tárkileýge sheshim shyǵardy.
Sot úkimi zańdy kúshine engen joq.
