24 qyrkúiekte Qazaqstannyń basym bóliginde aýa raiy qubylmaly bolady. Sinoptikter jańbyr, naizaǵai jáne jeldiń kúsheiýin boljady. Túnde jáne tańerteń kei jerlerde tuman túsýi múmkin, dep habarlaidy ult.kz.
«Qazgidromet» málimetinshe, atmosferalyq fronttardyń áserinen elimizdiń kóptegen óńirinde jańbyr jaýady. Batys oblystarda jaýyn-shashyn az bolyp, aýa raiy salystyrmaly túrde qurǵaq saqtalady.
Kúndiz aýa temperatýrasy batysta +20…+28°C, soltústik-batys pen soltústikte +10…+17°C, ońtústik jáne ońtústik-shyǵysta +20…+25°C aralyǵynda bolady. Taýly aimaqtarda aýa temperatýrasy +10…+15°C shamasynda saqtalady.
Elimizdiń shyǵys bóliginde atmosferalyq fronttardyń ótýine bailanysty jańbyr jaýyp, naizaǵai oinaýy yqtimal. Kei óńirlerde jel kúsheiedi.
Sinoptikterdiń boljamynsha, 24 qyrkúiekten bastap kóptegen óńirde kún salqyndaidy. Al soltústik oblystarda 25–26 qyrkúiekte túngi ýaqytta aýa temperatýrasy 1–2 gradýsqa deiin tómendep, úsik júrýi múmkin.
Al Almatyda 24 qyrkúiekte kúndiz shamamen +23°C, jaýyn-shashynsyz aýa raiy kútiledi. Tańerteń +14°C shamasynda bolady.
