8 qarashada Qazaqstannyń basym bóliginde jańbyr men qar jaýady. Batys, soltústik-batys jáne soltústik óńirlerde jaýyn-shashyn kúsheiedi, dep habarlaidy ult.kz.
El aýmaǵynda jel kúsheiip, túnde jáne tańerteń tuman túsedi. Soltústik-batysta, soltústikte jáne shyǵysta kóktaiǵaq kútiledi.
Astanada kún qubylmaly bolyp, keshke qarai jańbyr jaýady. Túnde aýa temperatýrasy −5…−3 gradýsqa deiin tómendep, kúndiz +7…+9 gradýsqa kóteriledi. Ońtústik-shyǵystan soǵatyn jeldiń jyldamdyǵy sekýndyna 9–14 metr bolady.
Almatyda jaýyn-shashynsyz, ala bultty aýa raiy kútiledi. Túnde +5…+7, kúndiz +18…+20 gradýs jyly bolady. Ońtústik-shyǵystan sekýndyna 3–8 metr jyldamdyqpen jel soǵady.
Shymkentte de jaýyn-shashyn bolmaidy. Túnde +10…+12 gradýs bolsa, kúndiz aýa +24…+26 gradýsqa deiin jylynady. Ońtústik-batystan soǵatyn jeldiń jyldamdyǵy sekýndyna 8–13 metrge jetedi.
