24 قىركٷيەكتە قازاقستاننىڭ باسىم بٶلٸگٸندە اۋا رايى قۇبىلمالى بولادى. سينوپتيكتەر جاڭبىر, نايزاعاي جەنە جەلدٸڭ كٷشەيۋٸن بولجادى. تٷندە جەنە تاڭەرتەڭ كەي جەرلەردە تۇمان تٷسۋٸ مٷمكٸن, دەپ حابارلايدى ult.kz.
«قازگيدرومەت» مەلٸمەتٸنشە, اتموسفەرالىق فرونتتاردىڭ ەسەرٸنەن ەلٸمٸزدٸڭ كٶپتەگەن ٶڭٸرٸندە جاڭبىر جاۋادى. باتىس وبلىستاردا جاۋىن-شاشىن از بولىپ, اۋا رايى سالىستىرمالى تٷردە قۇرعاق ساقتالادى.
كٷندٸز اۋا تەمپەراتۋراسى باتىستا +20…+28°C, سولتٷستٸك-باتىس پەن سولتٷستٸكتە +10…+17°C, وڭتٷستٸك جەنە وڭتٷستٸك-شىعىستا +20…+25°C ارالىعىندا بولادى. تاۋلى ايماقتاردا اۋا تەمپەراتۋراسى +10…+15°C شاماسىندا ساقتالادى.
ەلٸمٸزدٸڭ شىعىس بٶلٸگٸندە اتموسفەرالىق فرونتتاردىڭ ٶتۋٸنە بايلانىستى جاڭبىر جاۋىپ, نايزاعاي ويناۋى ىقتيمال. كەي ٶڭٸرلەردە جەل كٷشەيەدٸ.
سينوپتيكتەردٸڭ بولجامىنشا, 24 قىركٷيەكتەن باستاپ كٶپتەگەن ٶڭٸردە كٷن سالقىندايدى. ال سولتٷستٸك وبلىستاردا 25–26 قىركٷيەكتە تٷنگٸ ۋاقىتتا اۋا تەمپەراتۋراسى 1–2 گرادۋسقا دەيٸن تٶمەندەپ, ٷسٸك جٷرۋٸ مٷمكٸن.
ال الماتىدا 24 قىركٷيەكتە كٷندٸز شامامەن +23°C, جاۋىن-شاشىنسىز اۋا رايى كٷتٸلەدٸ. تاڭەرتەڭ +14°C شاماسىندا بولادى.
