Shymkentte 8 jastaǵy qyzǵa qatysty azǵyndyq áreket jasaǵan 56 jastaǵy er adamǵa sot úkimi shyqty. Ol 7 jyl 6 aiǵa bas bostandyǵynan aiyryldy, dep habarlaidy ult.kz.
Is Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda jabyq otyrysta qaralǵan. Er adam Qylmystyq kodekstiń 124-babynyń 1-bóligi boiynsha kináli dep tanyldy.
Sot materialdaryna sáikes, oqiǵa 2026 jylǵy 28 sáýirde turǵyn úidiń kireberisinde bolǵan. Sotta sottalýshynyń kinási jábirlenýshi men kýálardyń jaýaptary, zattai aiǵaqtar jáne basqa da dáleldermen rastalǵan.
Prokýror sottalýshyny 8 jylǵa bas bostandyǵynan aiyrýdy suraǵan. Alaida sot onyń II toptaǵy múgedektigin jazany jeńildetetin mán-jai retinde eskerdi.
Sot er adamdy 7 jyl 6 aiǵa bas bostandyǵynan aiyrýmen qatar, ony pedagogikalyq qyzmetpen ainalysý jáne kámeletke tolmaǵandarmen jumys isteýge bailanysty laýazymdardy atqarý quqyǵynan ómir boiyna aiyrdy.
Sonymen qatar jábirlenýshi taraptyń azamattyq talaby ishinara qanaǵattandyrylyp, moraldyq ziiandy óteý úshin 3 mln teńge óndirildi.
Aita keteiik, buǵan deiin osy is boiynsha er adamǵa 50 AEK kóleminde aiyppul salynǵan. Keiin alǵashqy úkimniń kúshi joiylyp, is qaita qaralǵan.
Sot úkimi ázirge zańdy kúshine engen joq.
