قىزىلوردا وبلىسىندا 20 جاستاعى تۇرعىن بٸرەۋدٸڭ اۋلاسىندا تۇرعان قىمبات كٶلٸكتٸ ۇرلاپ, مٸنٸپ كەتكەن, دەپ حابارلايدى قازاقپارات.
وقيعا قىزىلوردا وبلىسى قارماقشى اۋدانىندا بولدى. جەرگٸلٸكتٸ پوليتسييا بٶلٸمٸنە اۋدان تۇرعىنى ٷيٸنٸڭ اۋلاسىندا تۇرعان «نيسسان ماكسيما» اۆتوكٶلٸگٸن بەلگٸسٸز بٸرەۋ ۇرلاپ كەتكەنٸ تۋرالى ارىزداندى. جەبٸرلەنۋشٸگە كەلتٸرٸلگەن شىعىن - 4 ملن 500 مىڭ تەڭگە.
«جەدەل ٸزدەستٸرۋ جۇمىستارىنىڭ نەتيجەسٸندە ۇرلانعان كٶلٸك بٸر جارىم ساعاتتان كەيٸن «باتىس-قىتاي-باتىس-ەۋروپا» تاس جولىنىڭ بويىندا دەرمەنتٶبە اۋىلىنىڭ تۇسىندا تابىلدى. قىلمىس جاساعان 20 جاستاعى تۇرعىن اۋداندىق پوليتسييا بٶلٸمٸنە جەتكٸزٸلدٸ. وقيعانىڭ مەن-جايى انىقتالۋدا. بۇل بويىنشا قر قىلمىستىق كودەكسٸنٸڭ 200-بابىنىڭ 1-بٶلٸگٸمەن سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
ۆەدومستۆو مەلٸمەتٸنشە, اتالعان قىلمىستىق ٸستٸ اشۋدا وبلىستىق پوليتسييا دەپارتامەنتٸنٸڭ جەرگٸلٸكتٸ پوليتسييا قىزمەت باسقارماسى پاترۋلدٸك پوليتسييا روتاسىنىڭ اعا ينسپەكتورلارى جاراسحان بۋگاناەۆ پەن ەردەۋلەت شالقارباەۆ قىراعىلىق تانىتتى.
