اسقاباق – كٷز مەزگٸلٸندەگٸ ەڭ پايدالى ەرٸ قولجەتٸمدٸ ٶنٸمدەردٸڭ بٸرٸ. ونىڭ قۇرامىندا اعزاعا قاجەتتٸ دەرۋمەندەر مەن ميكروەلەمەنتتەر بار, ال كالوريياسى سالىستىرمالى تٷردە تٶمەن, دەپ حابارلايدى ult.kz.
"گازەتا.Ru" مەلٸمەتٸنشە, اسقاباق كالييگە, س دەرۋمەنٸنە جەنە باسقا دا پايدالى زاتتارعا باي. سونىمەن بٸرگە ول جاقسى تويدىرادى جەنە كٷندەلٸكتٸ مەزٸردەگٸ كٶكٶنٸس مٶلشەرٸن ارتتىرۋعا كٶمەكتەسەدٸ.
مامانداردىڭ ايتۋىنشا, 100 گرامم شيكٸ اسقاباقتا نەبەرٸ 22 كيلوكالورييا بولادى. ونىڭ سارعىلت تٷسٸ قۇرامىنداعى كاروتينويدتارعا, سونىڭ ٸشٸندە بەتا-كاروتينگە بايلانىستى.
"100 گرامم شيكٸ اسقاباقتىڭ قۇرامىندا نەبەرٸ 22 كيلوكالورييا بار. اسقاباقتىڭ ەرەكشە سارعىلت تٷسٸ كاروتينويدتارعا, ەڭ الدىمەن, بەتا-كاروتينگە بايلانىستى. ول ادام اعزاسىندا ا دەرۋمەنٸنە اينالۋى مٷمكٸن. ا دەرۋمەنٸ كٶرۋ قابٸلەتٸنٸڭ, تەرٸ مەن يممۋندىق جٷيەنٸڭ قالىپتى جۇمىس ٸستەۋٸ ٷشٸن قاجەت", – دەدٸ تەحنيكا عىلىمدارىنىڭ كانديداتى دميتريي بىستروۆ.
Malim.kz جازۋىنشا, اسقاباقتىڭ دەنٸ دە پايدالى ٶنٸم سانالادى. ونىڭ قۇرامىندا ٶسٸمدٸك اقۋىزى, پايدالى ماي قىشقىلدارى, ماگنيي مەن مىرىش بار.
ٶنٸمنٸڭ تاعى بٸر ارتىقشىلىعى – ونى ەرتٷرلٸ تەسٸلمەن دايىنداۋعا بولادى. اسقاباقتى پٸسٸرۋگە, بۇقتىرۋعا, بۋعا ەزٸرلەۋگە, سونداي-اق سورپا مەن بوتقاعا قوسۋعا بولادى.
قالىپتى تەرمييالىق ٶڭدەۋ كەزٸندە اسقاباق قۇرامىنداعى كاروتينويدتار ايتارلىقتاي ساقتالادى.
سوندىقتان ماماندار اسقاباقتى كٷزگٸ راتسيونعا قوسىپ, ونىڭ جۇمساعىمەن قاتار دەنٸن دە پايدالانۋعا كەڭەس بەرەدٸ.
