Asqabaq – kúz mezgilindegi eń paidaly ári qoljetimdi ónimderdiń biri. Onyń quramynda aǵzaǵa qajetti dárýmender men mikroelementter bar, al kaloriiasy salystyrmaly túrde tómen, dep habarlaidy ult.kz.
"Gazeta.Ru" málimetinshe, asqabaq kaliige, S dárýmenine jáne basqa da paidaly zattarǵa bai. Sonymen birge ol jaqsy toidyrady jáne kúndelikti mázirdegi kókónis mólsherin arttyrýǵa kómektesedi.
Mamandardyń aitýynsha, 100 gramm shiki asqabaqta nebári 22 kilokaloriia bolady. Onyń sarǵylt túsi quramyndaǵy karotinoidtarǵa, sonyń ishinde beta-karotinge bailanysty.
"100 gramm shiki asqabaqtyń quramynda nebári 22 kilokaloriia bar. Asqabaqtyń erekshe sarǵylt túsi karotinoidtarǵa, eń aldymen, beta-karotinge bailanysty. Ol adam aǵzasynda A dárýmenine ainalýy múmkin. A dárýmeni kórý qabiletiniń, teri men immýndyq júieniń qalypty jumys isteýi úshin qajet", – dedi tehnika ǵylymdarynyń kandidaty Dmitrii Bystrov.
Malim.kz jazýynsha, asqabaqtyń dáni de paidaly ónim sanalady. Onyń quramynda ósimdik aqýyzy, paidaly mai qyshqyldary, magnii men myrysh bar.
Ónimniń taǵy bir artyqshylyǵy – ony ártúrli tásilmen daiyndaýǵa bolady. Asqabaqty pisirýge, buqtyrýǵa, býǵa ázirleýge, sondai-aq sorpa men botqaǵa qosýǵa bolady.
Qalypty termiialyq óńdeý kezinde asqabaq quramyndaǵy karotinoidtar aitarlyqtai saqtalady.
Sondyqtan mamandar asqabaqty kúzgi ratsionǵa qosyp, onyń jumsaǵymen qatar dánin de paidalanýǵa keńes beredi.
