قازاقستاندا جاڭا iPhone مودەلٸنە قىزىعۋشىلىق تانىتقان ازاماتتاردى الداۋعا باعىتتالعان جاڭا سحەما پايدا بولدى. باس پروكۋراتۋرانىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸ iPhone 18-گە الدىن الا تاپسىرىس بەرۋ نەمەسە ودان باس تارتۋ سىلتاۋىمەن كەلەتٸن كٷمەندٸ حابارلامالاردان ساق بولۋعا شاقىردى, دەپ حابارلايدى ult.kz.
الاياقتار Apple اتىنان جالعان حابارلاما جٸبەرٸپ, ازاماتتاردى بٶتەن سايتتارعا نەمەسە تەلەفون نٶمٸرلەرٸنە باعىتتايدى.
بٸر سحەما بويىنشا ادامعا ونىڭ اتىنا iPhone 18-گە تاپسىرىس بەرٸلگەنٸ تۋرالى حابارلاما كەلەدٸ. تاپسىرىستان باس تارتۋ ٷشٸن كٶرسەتٸلگەن «قولداۋ قىزمەتٸنە» قوڭىراۋ شالۋ ۇسىنىلادى. الايدا نٶمٸر الاياقتارعا تيەسٸلٸ بولۋى مٷمكٸن. ولار جەكە جەنە بانكتٸك دەرەكتەردٸ الۋعا تىرىسادى.
ەكٸنشٸ جاعدايدا سمارتفوندى ارزان باعامەن برونداۋ نەمەسە جىلدام جەتكٸزۋ ۇسىنىلادى. حابارلاماداعى سٸلتەمە جالعان سايتقا اپارىپ, وندا بانك كارتاسىنىڭ نٶمٸرٸ, CVV-كود, قۇپييا سٶز نەمەسە SMS ارقىلى كەلگەن راستاۋ كودى سۇرالۋى مٷمكٸن.
قۇقىق قورعاۋ ورگاندارى كٷمەندٸ سٸلتەمەلەردٸ اشپاۋعا, بەيتانىس نٶمٸرلەرگە قوڭىراۋ شالماۋعا جەنە بانك دەرەكتەرٸ مەن SMS-كودتاردى ەشكٸمگە بەرمەۋگە كەڭەس بەرەدٸ.
سونداي-اق بەيتانىس ادامداردىڭ ٶتٸنٸشٸ بويىنشا قوسىمشا ورناتپاۋ جەنە قۇرىلعىعا قاشىقتان كٸرۋگە رۇقسات بەرمەۋ قاجەت. تاۋار ساتىپ الاردا ساتۋشىنىڭ سەنٸمدٸلٸگٸن تەكسەرٸپ, اقپاراتتى كومپانييانىڭ رەسمي سايتى نەمەسە قوسىمشاسى ارقىلى انىقتاعان جٶن.
ەگەر بانك كارتاسىنىڭ دەرەكتەرٸ الاياقتارعا بەرٸلٸپ قويسا نەمەسە شوتتان كٷمەندٸ اقشا ەسەپتەن شىعارىلسا, بانككە دەرەۋ حابارلاسىپ, كارتانى بۇعاتتاپ, پوليتسيياعا جٷگٸنۋ كەرەك.
مامانداردىڭ ايتۋىنشا, كٷتپەگەن حابارلاما, اسىقتىرۋ, «تيٸمدٸ ۇسىنىس» نەمەسە شۇعىل تٷردە كود پەن بانك دەرەكتەرٸن تالاپ ەتۋ — الاياقتىقتىڭ نەگٸزگٸ بەلگٸلەرٸنٸڭ بٸرٸ.
