شىعىس قازاقستان وبلىسىنىڭ زايسان اۋدانىنداعى «شاعانوبا» ارحەولوگييالىق كەشەنٸندە كٶنە وبالارعا زاقىم كەلتٸرٸلۋٸ مٷمكٸن. ەلەۋمەتتٸك جەلٸدە تاراعان اقپاراتقا بايلانىستى ٶڭٸر ەكٸمدٸگٸ تٷسٸنٸكتەمە بەردٸ, دەپ حابارلايدى ult.kz.
ەكٸمدٸك مەلٸمەتٸنشە, 13 قاراشادا پوليتسييا قىزمەتكەرلەرٸ وقيعا ورنىنا بارىپ, كەشەن اۋماعىنداعى قازىلعان شۇڭقىرلاردىڭ SRS جشس-نە تيەسٸلٸ تەحنيكامەن كٶمٸلگەنٸن انىقتاعان. وقيعاعا قاتىسى بار ازاماتتاردىڭ كٸم ەكەنٸ انىقتالىپ, ماتەريالدار پوليتسييادا تٸركەلگەن.
سول كٷنٸ ارحەولوگتار, تاريحي-مەدەني مۇرانى قورعاۋ ماماندارى, ەكٸمدٸك پەن پوليتسييا ٶكٸلدەرٸ اۋماقتى تەكسەرگەن. جەر قازۋ ٸزدەرٸ فوتو جەنە بەينەتاسپاعا تٷسٸرٸلٸپ, تيٸستٸ اكت جاسالعان.
الايدا قار جامىلعىسىنا بايلانىستى كٶنە وبالاردىڭ ناقتى جاعدايى مەن كەلتٸرٸلگەن زالال كٶلەمٸن ەزٸرگە انىقتاۋ مٷمكٸن بولماعان. سوندىقتان 2027 جىلدىڭ كٶكتەمٸندە قايتا تەكسەرۋ جٷرگٸزٸلٸپ, قاجەت بولسا, اۆارييالىق-قۇتقارۋ ارحەولوگييالىق جۇمىستارى ۇيىمداستىرىلادى.
ەكٸمدٸك تەكسەرۋ ماتەريالدارىن قۇقىق قورعاۋ ورگاندارىنا جولداۋدى تاپسىرعان. زاڭ بۇزۋشىلىق انىقتالعان جاعدايدا كٸنەلٸلەر جاۋاپقا تارتىلماق. قازٸر تاريحي ەسكەرتكٸشتەرگە باقىلاۋ كٷشەيتٸلگەن.
سونىمەن قاتار وبلىس ەكٸمدٸگٸ كٶنە قورعانداردىڭ تاريحي كەلبەتٸن ساقتاي وتىرىپ, اۋماقتا اشىق اسپان استىنداعى مۋزەي كەشەنٸن قۇرۋ مٷمكٸندٸگٸن قاراستىرىپ جاتىر. بۇل باستاما ەزٸرگە كەلٸسۋ ساتىسىندا.
ەكٸمدٸك ٶكٸلدەرٸ تاريحي مۇراعا قول سۇعۋعا جول بەرٸلمەيتٸنٸن جەنە جاعداي باقىلاۋدا ەكەنٸن مەلٸمدەدٸ.