استانادا ەيەل پىشاق جاراقاتىنان قازا تاپتى. پوليتسييا قىلمىسقا ونىڭ بۇرىنعى كٷيەۋٸن كٷدٸكتٸ رەتٸندە ۇستاپ, ۋاقىتشا ۇستاۋ يزولياتورىنا قاماعان, دەپ حابارلايدى ult.kz.
پوليتسيياعا وقيعا تۋرالى حابار 22 قىركٷيەكتە ساعات 20:00 شاماسىندا تٷسكەن. وقيعا ورنىنا بارعان قىزمەتكەرلەر ەيەلدٸڭ پىشاق جاراقاتىن العانىن انىقتاعان. ول العان جاراقاتىنان سول جەردە كٶز جۇمعان.
اتالعان فاكتٸ بويىنشا قىلمىستىق ٸس قوزعالىپ, تەرگەۋ باستالدى.
پوليتسييا كٷدٸكتٸنٸڭ پوليتسييا قىزمەتكەرٸ بولعانى تۋرالى تاراعان اقپاراتتى دا جوققا شىعاردى.
«كٷدٸكتٸنٸڭ پوليتسييا قىزمەتكەرٸ ەكەنٸ تۋرالى تاراعان اقپارات شىندىققا جاناسپايدى», – دەپ حابارلادى استانا قالاسىنىڭ پوليتسييا دەپارتامەنتٸ.
تەرگەۋ بارىسى پوليتسييا دەپارتامەنتٸ باسشىلىعىنىڭ باقىلاۋىندا.
