Astanada áiel pyshaq jaraqatynan qaza tapty. Politsiia qylmysqa onyń burynǵy kúieýin kúdikti retinde ustap, ýaqytsha ustaý izoliatoryna qamaǵan, dep habarlaidy ult.kz.
Politsiiaǵa oqiǵa týraly habar 22 qyrkúiekte saǵat 20:00 shamasynda túsken. Oqiǵa ornyna barǵan qyzmetkerler áieldiń pyshaq jaraqatyn alǵanyn anyqtaǵan. Ol alǵan jaraqatynan sol jerde kóz jumǵan.
Atalǵan fakti boiynsha qylmystyq is qozǵalyp, tergeý bastaldy.
Politsiia kúdiktiniń politsiia qyzmetkeri bolǵany týraly taraǵan aqparatty da joqqa shyǵardy.
«Kúdiktiniń politsiia qyzmetkeri ekeni týraly taraǵan aqparat shyndyqqa janaspaidy», – dep habarlady Astana qalasynyń Politsiia departamenti.
Tergeý barysy politsiia departamenti basshylyǵynyń baqylaýynda.
