Pandemiia kezinde Qyzylorda oblysynda ekonomikalyq karta jasalyp, oǵan 265 joba daiyndaldy. Bul joba aiasynda shamamen 271 mlrd. teńge investitsiia keledi. Bul týraly Qyzylorda oblysynyń ákimi Gúlshara Ábdiqalyqova «Apta» baǵdarlamasyna bergen suhbatynda aitty, dep habarlaidy QazAqparat.
«Bir jaǵynan, ekonomikaǵa koronavirýs pandemiiasynyń áseri bar. Ekinshi jaǵynan, munai, jerasty qazba bailyqtarynyń baǵasy da tómendep ketti. Mysaly, bizdiń oblysty alsaq: basty qazbalardyń, óndiristiń biri – munai men ýran. Sońǵy jyldary osy óndiristiń tómendeýi baiqalady. 2011 jyly Qyzylorda oblysynda 11 mln. tonna munai óndirilgen bolsa, byltyr, 5,6 mln. tonna ǵana munai óndirilgen. Biyl 4,2 mln. tonna ǵana munai óndirileiin dep otyr», - deidi Qyzylorda oblysynyń ákimi Gúlshara Ábdiqalyqova.
Onyń aitýynsha, taǵy birneshe kórsetkishtiń qarqyny tómendegen. Soǵan orai, investitsiia tartý máselesi ózekti bolyp otyr. «Biyl 230 milliard teńge shamasynda investitsiia tartamyz dep otyrmyz, biraq bul ótken jylmen salystyrǵanda tómen kórsetkish. Bul jerde de obektivti faktorlar bar. Birinshiden, ótken jyly respýblikalyq iri jobalar boldy. Mysaly, «Saryarqa» gaz qubyry boldy, eki gaz stansasy salyndy. Sonymen qatar kún jylý elektr stantsiiasy salyndy», - deidi ol.
Sondai-aq, oblys ákiminiń sózine qaraǵanda, koronavirýs indeti órship turǵan kezde kóp máseleni oblysta qarap, oblys ishinde sheshý kerektigi aiqyn bolǵan. Osy baǵytta aýqymdy saraptama da jasalǵan.
«Mysaly, bizde eń qajet degen azyq-túliktiń 70-i, eń qajet degen azyq-túlik emes taýarlardyń 35-i syrttan alynady. Oilana kele ózimizdiń ekonomikalyq kartamyzdy jasadyq. Sonymen qazirgi kezde biz 265 joba daiyndap qoidyq. 265 joba 271 mlrd. teńge investitsiia alyp keledi dep otyrmyz. Sút ónimderin ózimizde óndirýge bolady, biraq suranys pen óndiristiń arasynda tepe-teńdik joq. Et te, kókónis te solai. Negizinde eń qajetti degen azyq-túlikterdi qaita óńdeýge bolady. Mysaly, pandemiia kezinde ár otbasynyń qajettiligin tolyq ótei almadyq. Túrkistan oblysyndaǵy áriptesterimizben habarlasyp, kólik jiberip otyrdyq», - deidi ol.
