قىزىلوردا وبلىسىنىڭ ەكونوميكالىق كارتاسى جاسالىپ, 265 جوبا قامتىلدى - گٷلشارا ەبدٸقالىقوۆا

پاندەمييا كەزٸندە قىزىلوردا وبلىسىندا ەكونوميكالىق كارتا جاسالىپ, وعان 265 جوبا دايىندالدى. بۇل جوبا اياسىندا شامامەن 271 ملرد. تەڭگە ينۆەستيتسييا كەلەدٸ. بۇل تۋرالى قىزىلوردا وبلىسىنىڭ ەكٸمٸ گٷلشارا ەبدٸقالىقوۆا «Apta» باعدارلاماسىنا بەرگەن سۇحباتىندا ايتتى, دەپ حابارلايدى قازاقپارات.

«بٸر جاعىنان, ەكونوميكاعا كوروناۆيرۋس پاندەميياسىنىڭ ەسەرٸ بار. ەكٸنشٸ جاعىنان, مۇناي, جەراستى قازبا بايلىقتارىنىڭ باعاسى دا تٶمەندەپ كەتتٸ. مىسالى, بٸزدٸڭ وبلىستى الساق: باستى قازبالاردىڭ, ٶندٸرٸستٸڭ بٸرٸ – مۇناي مەن ۋران. سوڭعى جىلدارى وسى ٶندٸرٸستٸڭ تٶمەندەۋٸ بايقالادى. 2011 جىلى قىزىلوردا وبلىسىندا 11 ملن. توننا مۇناي ٶندٸرٸلگەن بولسا, بىلتىر, 5,6 ملن. توننا عانا مۇناي ٶندٸرٸلگەن. بيىل 4,2 ملن. توننا عانا مۇناي ٶندٸرٸلەيٸن دەپ وتىر», - دەيدٸ قىزىلوردا وبلىسىنىڭ ەكٸمٸ گٷلشارا ەبدٸقالىقوۆا.

ونىڭ ايتۋىنشا, تاعى بٸرنەشە كٶرسەتكٸشتٸڭ قارقىنى تٶمەندەگەن. سوعان وراي, ينۆەستيتسييا تارتۋ مەسەلەسٸ ٶزەكتٸ بولىپ وتىر. «بيىل 230 ميلليارد تەڭگە شاماسىندا ينۆەستيتسييا تارتامىز دەپ وتىرمىز, بٸراق بۇل ٶتكەن جىلمەن سالىستىرعاندا تٶمەن كٶرسەتكٸش. بۇل جەردە دە وبەكتيۆتٸ فاكتورلار بار. بٸرٸنشٸدەن, ٶتكەن جىلى رەسپۋبليكالىق ٸرٸ جوبالار بولدى. مىسالى, «سارىارقا» گاز قۇبىرى بولدى, ەكٸ گاز ستانساسى سالىندى. سونىمەن قاتار كٷن جىلۋ ەلەكتر ستانتسيياسى سالىندى», - دەيدٸ ول. 

سونداي-اق, وبلىس ەكٸمٸنٸڭ سٶزٸنە قاراعاندا, كوروناۆيرۋس ٸندەتٸ ٶرشٸپ تۇرعان كەزدە كٶپ مەسەلەنٸ وبلىستا قاراپ, وبلىس ٸشٸندە شەشۋ كەرەكتٸگٸ ايقىن بولعان. وسى باعىتتا اۋقىمدى ساراپتاما دا جاسالعان. 

«مىسالى, بٸزدە ەڭ قاجەت دەگەن ازىق-تٷلٸكتٸڭ 70-ٸ, ەڭ قاجەت دەگەن ازىق-تٷلٸك ەمەس تاۋارلاردىڭ 35-ٸ سىرتتان الىنادى. ويلانا كەلە ٶزٸمٸزدٸڭ ەكونوميكالىق كارتامىزدى جاسادىق. سونىمەن قازٸرگٸ كەزدە بٸز 265 جوبا دايىنداپ قويدىق. 265 جوبا 271 ملرد. تەڭگە ينۆەستيتسييا الىپ كەلەدٸ دەپ وتىرمىز. سٷت ٶنٸمدەرٸن ٶزٸمٸزدە ٶندٸرۋگە بولادى, بٸراق سۇرانىس پەن ٶندٸرٸستٸڭ اراسىندا تەپە-تەڭدٸك جوق. ەت تە, كٶكٶنٸس تە سولاي. نەگٸزٸندە ەڭ قاجەتتٸ دەگەن ازىق-تٷلٸكتەردٸ قايتا ٶڭدەۋگە بولادى. مىسالى, پاندەمييا كەزٸندە ەر وتباسىنىڭ قاجەتتٸلٸگٸن تولىق ٶتەي المادىق. تٷركٸستان وبلىسىنداعى ەرٸپتەستەرٸمٸزبەن حابارلاسىپ, كٶلٸك جٸبەرٸپ وتىردىق», - دەيدٸ ول.