Foto: Polisia.kz
Qyzylorda oblysynda baqtashy quny 9 mln teńge bolatyn 21 túieni urlap, satyp jibergen, – dep habarlaidy "Ult aqparat" Polisia.kz-ke silteme jasap.
Qyzylordalyq politseiler ózgeniń malyn satqan baqtashyny ustady.
"2021 jyldyń kókteminde Qyzylorda oblysynyń Qazaly aýdanynda aýyl sharýashylyq mekemesiniń basshysy 53 túiesin jergilikti baqtashyǵa senip tapsyrǵan. Ýaqyt óte malyn sanaǵanda edáýir bóligi joq bolyp shyqqan. Aýdandyq politsiia bólimine aryzdanǵan ol 21 túiesiniń joǵalǵanyn aitty.
Tekserý jumystaryn júrgizgen politsiia qyzmetkerleri bul jaitqa baqtashynyń qatysy bar ekenin anyqtady" - delingen habarlamada.
Qylmysqa kúdiktelgen baqtashy maldardyń kóp bóligin iemdenip, soiyp, etin satyp, al aqshasyn óz qajettiligine jumsaǵan. Jalpy, jábirlenýshige keltirilgen shyǵyn kólemi 9 million teńgeden asty.
"Qazirgi ýaqytta atalǵan derek boiynsha QR QK-niń 189-baby boiynsha sotqa deiingi tergep-tekserý amaldary júrgizilip jatyr.
Kúdikti Qazaly aýdandyq politsiia bóliminiń ýaqytsha ustaý izoliatoryna qamaýǵa alyndy. Oqiǵanyń mán-jaiy anyqtalyp jatyr" - delingen IIM baspasóz qyzmeti habarlamasynda.
