فوتو: Polisia.kz
قىزىلوردا وبلىسىندا باقتاشى قۇنى 9 ملن تەڭگە بولاتىن 21 تٷيەنٸ ۇرلاپ, ساتىپ جٸبەرگەن, – دەپ حابارلايدى "ۇلت اقپارات" Polisia.kz-كە سٸلتەمە جاساپ.
قىزىلوردالىق پوليتسەيلەر ٶزگەنٸڭ مالىن ساتقان باقتاشىنى ۇستادى.
"2021 جىلدىڭ كٶكتەمٸندە قىزىلوردا وبلىسىنىڭ قازالى اۋدانىندا اۋىل شارۋاشىلىق مەكەمەسٸنٸڭ باسشىسى 53 تٷيەسٸن جەرگٸلٸكتٸ باقتاشىعا سەنٸپ تاپسىرعان. ۋاقىت ٶتە مالىن ساناعاندا ەدەۋٸر بٶلٸگٸ جوق بولىپ شىققان. اۋداندىق پوليتسييا بٶلٸمٸنە ارىزدانعان ول 21 تٷيەسٸنٸڭ جوعالعانىن ايتتى.
تەكسەرۋ جۇمىستارىن جٷرگٸزگەن پوليتسييا قىزمەتكەرلەرٸ بۇل جايتقا باقتاشىنىڭ قاتىسى بار ەكەنٸن انىقتادى" - دەلٸنگەن حابارلامادا.
قىلمىسقا كٷدٸكتەلگەن باقتاشى مالداردىڭ كٶپ بٶلٸگٸن يەمدەنٸپ, سويىپ, ەتٸن ساتىپ, ال اقشاسىن ٶز قاجەتتٸلٸگٸنە جۇمساعان. جالپى, جەبٸرلەنۋشٸگە كەلتٸرٸلگەن شىعىن كٶلەمٸ 9 ميلليون تەڭگەدەن استى.
"قازٸرگٸ ۋاقىتتا اتالعان دەرەك بويىنشا قر قك-نٸڭ 189-بابى بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر.
كٷدٸكتٸ قازالى اۋداندىق پوليتسييا بٶلٸمٸنٸڭ ۋاقىتشا ۇستاۋ يزولياتورىنا قاماۋعا الىندى. وقيعانىڭ مەن-جايى انىقتالىپ جاتىر" - دەلٸنگەن ٸٸم باسپاسٶز قىزمەتٸ حابارلاماسىندا.
