Búgin Qyzylorda oblysynda koronavirýs infektsiiasyna qarsy vaktsinatsiia bastaldy. Oblys ákiminiń orynbasary Serik Ahmet «Spýtnik V» vaktsinasyn aimaqta birinshi bolyp saldyrdy, dep habarlaidy "Ult aqparat".
Búgin tańerteń oblysqa «Spýtnik V» vaktsinasynyń 1 myń dozasy keldi. Jalpy, jyl ishinde 80 myń doza kezeń kezeńimen jetkiziledi. Birinshi kezekte erikti túrde meditsina qyzmetkerlerine, pedagogterge, sozylmaly aýrýlarmen syrqatanatyn toptaǵy adamdarǵa salynady. Al 18 jasqa deiingi balalar jáne 65 jastan asqar qariialarǵa ekpe salynbaidy. Búginde oblys boiynsha 14 egý kabineti belgilendi. Budan bólek, shalǵai eldi mekende turatyn azamattarǵa vaktsina salý úshin 46 jyljymaly egý brigadasy uiymdastyryldy.
«Qazir oblys «jasyl» aimaqta. Epidemiologiialyq ahýal turaqty. Kúrdelengen jaǵdaida 8 statsionar, 61 alǵashqy meditsinalyq-sanitarlyq mekeme jumyldyrylatyn bolady. 54 filtr kabineti, qosymsha 79 telefon shaqyrýlar men konsýltatsiialar úshin jumys isteidi. Sondai-aq, úi jaǵdaiynda qyzmet kórsetý úshin qosymsha 81 avtokólik qarastyrylǵan», - dep málim etti Qyzylorda óńirlik kommýnikatsiialar qyzmetinen.
