بٷگٸن قىزىلوردا وبلىسىندا كوروناۆيرۋس ينفەكتسيياسىنا قارسى ۆاكتسيناتسييا باستالدى. وبلىس ەكٸمٸنٸڭ ورىنباسارى سەرٸك احمەت «سپۋتنيك V» ۆاكتسيناسىن ايماقتا بٸرٸنشٸ بولىپ سالدىردى, دەپ حابارلايدى "ۇلت اقپارات".
بٷگٸن تاڭەرتەڭ وبلىسقا «سپۋتنيك V» ۆاكتسيناسىنىڭ 1 مىڭ دوزاسى كەلدٸ. جالپى, جىل ٸشٸندە 80 مىڭ دوزا كەزەڭ كەزەڭٸمەن جەتكٸزٸلەدٸ. بٸرٸنشٸ كەزەكتە ەرٸكتٸ تٷردە مەديتسينا قىزمەتكەرلەرٸنە, پەداگوگتەرگە, سوزىلمالى اۋرۋلارمەن سىرقاتاناتىن توپتاعى ادامدارعا سالىنادى. ال 18 جاسقا دەيٸنگٸ بالالار جەنە 65 جاستان اسقار قارييالارعا ەكپە سالىنبايدى. بٷگٸندە وبلىس بويىنشا 14 ەگۋ كابينەتٸ بەلگٸلەندٸ. بۇدان بٶلەك, شالعاي ەلدٸ مەكەندە تۇراتىن ازاماتتارعا ۆاكتسينا سالۋ ٷشٸن 46 جىلجىمالى ەگۋ بريگاداسى ۇيىمداستىرىلدى.
«قازٸر وبلىس «جاسىل» ايماقتا. ەپيدەميولوگييالىق احۋال تۇراقتى. كٷردەلەنگەن جاعدايدا 8 ستاتسيونار, 61 العاشقى مەديتسينالىق-سانيتارلىق مەكەمە جۇمىلدىرىلاتىن بولادى. 54 فيلتر كابينەتٸ, قوسىمشا 79 تەلەفون شاقىرۋلار مەن كونسۋلتاتسييالار ٷشٸن جۇمىس ٸستەيدٸ. سونداي-اق, ٷي جاعدايىندا قىزمەت كٶرسەتۋ ٷشٸن قوسىمشا 81 اۆتوكٶلٸك قاراستىرىلعان», - دەپ مەلٸم ەتتٸ قىزىلوردا ٶڭٸرلٸك كوممۋنيكاتسييالار قىزمەتٸنەن.
