Foto: almaty.tv
Almaty oblysynda 17 jastaǵy Jangeldi Murattyń ólimi qoǵamda úlken rezonans týdyrdy. Marqumnyń týystary bul istiń ádil tergelýin talap etip otyr, dep habarlaidy Ult.kz Almaty.tv silteme jasap.
Qaiǵyly oqiǵa 1 qańtar kúni bolǵan. Anasynyń aitýynsha, Jangeldi ózin shyǵaryp salýdy ótingen boijetkendi úiine jetkizý úshin shyqqan. Jolda ony úsh jigit toqtatyp, «qaryndastarymen» ne sebepti sóilesip júrgenin suraǵan. Alaida týystary olardyń qyzben eshqandai týystyq bailanysy bolmaǵanyn aitady.
Janjal ýshyǵyp, oqiǵaǵa taǵy bir jasóspirimniń aǵasy qosylǵan. Sol sátte kúdiktiniń anasy arasha túspek bolǵan. Aitylǵan derek boiynsha, abaisyzda Jangeldiniń qoly áielge tiip ketken. Osydan keiin toǵyzynshy synyp oqýshysy oǵan birneshe ret pyshaq suqqan.
Aýyr jaralanǵan jasóspirimdi oqiǵaǵa qatysýshylar aýrýhanaǵa jetkizbek bolǵanymen, ony aman alyp qalý múmkin bolmaǵan.
Marqumnyń jaqyndary Jangeldige keminde tórt adam shabýyl jasaǵanyn aitady. Alaida qazirgi tańda sot aldynda tek bir kámeletke tolmaǵan kúdikti ǵana jaýap berip jatyr. Qalǵandarynyń jaýapkershilikten tys qalýy múmkin degen alańdaýshylyq bar.
Jangeldi meditsina salasynda oqyp, bolashaqta adam ómirin saqtap qalýdy armandaǵan.
Is boiynsha sot protsesi kúdiktiniń kámeletke tolmaǵanyna bailanysty jabyq rejimde ótip jatyr.
