فوتو: almaty.tv
الماتى وبلىسىندا 17 جاستاعى جانگەلدٸ مۇراتتىڭ ٶلٸمٸ قوعامدا ٷلكەن رەزونانس تۋدىردى. مارقۇمنىڭ تۋىستارى بۇل ٸستٸڭ ەدٸل تەرگەلۋٸن تالاپ ەتٸپ وتىر, دەپ حابارلايدى Ult.kz Almaty.tv سٸلتەمە جاساپ.
قايعىلى وقيعا 1 قاڭتار كٷنٸ بولعان. اناسىنىڭ ايتۋىنشا, جانگەلدٸ ٶزٸن شىعارىپ سالۋدى ٶتٸنگەن بويجەتكەندٸ ٷيٸنە جەتكٸزۋ ٷشٸن شىققان. جولدا ونى ٷش جٸگٸت توقتاتىپ, «قارىنداستارىمەن» نە سەبەپتٸ سٶيلەسٸپ جٷرگەنٸن سۇراعان. الايدا تۋىستارى ولاردىڭ قىزبەن ەشقانداي تۋىستىق بايلانىسى بولماعانىن ايتادى.
جانجال ۋشىعىپ, وقيعاعا تاعى بٸر جاسٶسپٸرٸمنٸڭ اعاسى قوسىلعان. سول سەتتە كٷدٸكتٸنٸڭ اناسى اراشا تٷسپەك بولعان. ايتىلعان دەرەك بويىنشا, ابايسىزدا جانگەلدٸنٸڭ قولى ەيەلگە تيٸپ كەتكەن. وسىدان كەيٸن توعىزىنشى سىنىپ وقۋشىسى وعان بٸرنەشە رەت پىشاق سۇققان.
اۋىر جارالانعان جاسٶسپٸرٸمدٸ وقيعاعا قاتىسۋشىلار اۋرۋحاناعا جەتكٸزبەك بولعانىمەن, ونى امان الىپ قالۋ مٷمكٸن بولماعان.
مارقۇمنىڭ جاقىندارى جانگەلدٸگە كەمٸندە تٶرت ادام شابۋىل جاساعانىن ايتادى. الايدا قازٸرگٸ تاڭدا سوت الدىندا تەك بٸر كەمەلەتكە تولماعان كٷدٸكتٸ عانا جاۋاپ بەرٸپ جاتىر. قالعاندارىنىڭ جاۋاپكەرشٸلٸكتەن تىس قالۋى مٷمكٸن دەگەن الاڭداۋشىلىق بار.
جانگەلدٸ مەديتسينا سالاسىندا وقىپ, بولاشاقتا ادام ٶمٸرٸن ساقتاپ قالۋدى ارمانداعان.
ٸس بويىنشا سوت پروتسەسٸ كٷدٸكتٸنٸڭ كەمەلەتكە تولماعانىنا بايلانىستى جابىق رەجيمدە ٶتٸپ جاتىر.
