sýret ashyq derekkózden alyndy
Qytai pandemiiaǵa bailanysty saiasatyn ózgertti. Al shekaradaǵy kezek áli sol qalpy. Bul týraly Senat tóraǵasy Máýlen Áshimbaev 2023-2027 jyldarǵa arnalǵan respýblikalyq biýdjetti naqtylaǵan otyrysta aitty, dep habarlaidy QazAqparat.
«Infliatsiia qysymyn báseńdetýdiń bir faktory – Qazaqstan-Qytai shekarasyndaǵy logistika. Bizge Qytaidan úlken kólemde taýar keledi. Shekarada neǵurlym keptelis kóp bolyp, kezek qalyptasyp, qiyndyq týyndasa, deldaldar, aqsha jinaityndar soǵurlym kóbeiedi, jemqorlyq soǵurlym artady. Ondai «alymdar» eldegi tutynýshynyń qaltasyna salmaq túsiredi. Iaǵni, shekaradaǵy ahýaldy tazartý arqyly, tosqaýyldar men deldaldardy, qandai da bir jemqorlyq shemalardy joia otyryp, baǵanyń áldeqaida tómen bolýyna yqpal etemiz», - dedi ol.
Senat spikeriniń aitýynsha, keiingi kezde kásipkerlerden shaǵym jii túsetin bolǵan.
«Shekarada júk kólikteri óte kóp qańtarylatyn bolǵan. Tipti Qytaidyń ózi rejimdi liberaldandyryp, jeńildetkenine qaramastan, problema sol kúii qalyp otyr. Memleket basshysynyń osy baǵyttaǵy tapsyrmasyn oryndaityn ýaqyt keldi. Senatorlar da bul ispen belsendi ainalysýǵa daiyn. Bul jerde osyǵan (shekarada qiyndyqtar bolýyna-red.) múddeli tulǵalar, jemqorlar az emes siiaqty. Shekaradaǵy búkil protsesterdi tsifrlandyryp, avtomattandyrý kerek. Qytailyqtar oǵan qarsy dep oilamaimyn. Olar mundai bastamany tolyqtai qoldaidy. Keden jáne ózge qurylymdar tarapynan jasandy jolmen qoiylyp otyrǵan tosqaýyldardy alyp tastaý qajet. Meniń oiymsha, Qytaimen shekaradaǵy jaǵdai - eldegi baǵaǵa tikelei áser etetin mańyzdy faktorlardyń biri. Biz bul faktordy joia alamyz dep oilaimyn. Ol faktor kóp jaǵdaida qoldan jasalǵan. Pandemiia aiaqtalýǵa jaqyn. Qytai óz saiasatyn ózgertti. Al shekaradaǵy kezek áli sol qalpy. Bul, árine, úlken suraqtardy týyndatady. Úkimet bul máselemen myqtap ainalysady dep oilaimyn. Senat depýtattary da ony baqylaýda ustaidy», - dedi Senat tóraǵasy.
