سۋرەت اشىق دەرەككٶزدەن الىندى
قىتاي پاندەميياعا بايلانىستى ساياساتىن ٶزگەرتتٸ. ال شەكاراداعى كەزەك ەلٸ سول قالپى. بۇل تۋرالى سەنات تٶراعاسى مەۋلەن ەشٸمباەۆ 2023-2027 جىلدارعا ارنالعان رەسپۋبليكالىق بيۋدجەتتٸ ناقتىلاعان وتىرىستا ايتتى, دەپ حابارلايدى قازاقپارات.
«ينفلياتسييا قىسىمىن بەسەڭدەتۋدٸڭ بٸر فاكتورى – قازاقستان-قىتاي شەكاراسىنداعى لوگيستيكا. بٸزگە قىتايدان ٷلكەن كٶلەمدە تاۋار كەلەدٸ. شەكارادا نەعۇرلىم كەپتەلٸس كٶپ بولىپ, كەزەك قالىپتاسىپ, قيىندىق تۋىنداسا, دەلدالدار, اقشا جينايتىندار سوعۇرلىم كٶبەيەدٸ, جەمقورلىق سوعۇرلىم ارتادى. ونداي «الىمدار» ەلدەگٸ تۇتىنۋشىنىڭ قالتاسىنا سالماق تٷسٸرەدٸ. ياعني, شەكاراداعى احۋالدى تازارتۋ ارقىلى, توسقاۋىلدار مەن دەلدالداردى, قانداي دا بٸر جەمقورلىق سحەمالاردى جويا وتىرىپ, باعانىڭ ەلدەقايدا تٶمەن بولۋىنا ىقپال ەتەمٸز», - دەدٸ ول.
سەنات سپيكەرٸنٸڭ ايتۋىنشا, كەيٸنگٸ كەزدە كەسٸپكەرلەردەن شاعىم جيٸ تٷسەتٸن بولعان.
«شەكارادا جٷك كٶلٸكتەرٸ ٶتە كٶپ قاڭتارىلاتىن بولعان. تٸپتٸ قىتايدىڭ ٶزٸ رەجيمدٸ ليبەرالداندىرىپ, جەڭٸلدەتكەنٸنە قاراماستان, پروبلەما سول كٷيٸ قالىپ وتىر. مەملەكەت باسشىسىنىڭ وسى باعىتتاعى تاپسىرماسىن ورىندايتىن ۋاقىت كەلدٸ. سەناتورلار دا بۇل ٸسپەن بەلسەندٸ اينالىسۋعا دايىن. بۇل جەردە وسىعان (شەكارادا قيىندىقتار بولۋىنا-رەد.) مٷددەلٸ تۇلعالار, جەمقورلار از ەمەس سيياقتى. شەكاراداعى بٷكٸل پروتسەستەردٸ تسيفرلاندىرىپ, اۆتوماتتاندىرۋ كەرەك. قىتايلىقتار وعان قارسى دەپ ويلامايمىن. ولار مۇنداي باستامانى تولىقتاي قولدايدى. كەدەن جەنە ٶزگە قۇرىلىمدار تاراپىنان جاساندى جولمەن قويىلىپ وتىرعان توسقاۋىلداردى الىپ تاستاۋ قاجەت. مەنٸڭ ويىمشا, قىتايمەن شەكاراداعى جاعداي - ەلدەگٸ باعاعا تٸكەلەي ەسەر ەتەتٸن ماڭىزدى فاكتورلاردىڭ بٸرٸ. بٸز بۇل فاكتوردى جويا الامىز دەپ ويلايمىن. ول فاكتور كٶپ جاعدايدا قولدان جاسالعان. پاندەمييا اياقتالۋعا جاقىن. قىتاي ٶز ساياساتىن ٶزگەرتتٸ. ال شەكاراداعى كەزەك ەلٸ سول قالپى. بۇل, ەرينە, ٷلكەن سۇراقتاردى تۋىنداتادى. ٷكٸمەت بۇل مەسەلەمەن مىقتاپ اينالىسادى دەپ ويلايمىن. سەنات دەپۋتاتتارى دا ونى باقىلاۋدا ۇستايدى», - دەدٸ سەنات تٶراعاسى.
