Qytaidyń «CCTV-13» basty jańalyqtar arnasy Prezident Nursultan Nazarbaevtyń Qytai halqyn kele jatqan Kóktem merekesi - Qytai kúntizbesi boiynsha Jańa jylmen quttyqtaýyn kórsetti, dep habarlaidy "Ult aqparat".
Bul týraly saiasattanýshy Erlan Qarin óziniń Facebook paraqshasynda jazdy.
«Keshe, Qytaidyń basty jańalyqtar arnasy - CCTV-13, Nursultan Nazarbaevtyń qytai halqyn kelejatqan kóktem merekesi - shyǵys kúntizbesi boiynsha jańa jylmen quttyqtaýyn kórsetti. Osylaisha, qytai halqyn TV arqyly jańa jyl merekesime quttyqtaǵan shetel basshylary arasynan Qazaqstan Prezidenti alǵashqylardyń biri boldy. Sonymen birge, bul quttyqtaýdy qytai televiziiasynyń birinshi knopkasy bolyp tabylatyn - CCTV-1 kórsetti. Al erteń, juma kúni, qytai Jańa jylynyń alǵashqy kúninde CCTV men CGTN telearnalary keshke, Qazaqstan Prezidentiniń qytai televiziiasyna bergen suhbattyń tolyq nusqasyn kórsetedi. Bul bizdiń memleketimizdiń qytailyq aqparattyq keńistikke eń aýqymdy media-shyǵýymyzdyń biri.
Bireý muny qatardaǵy habar retinde qabyldaýy múmkin, biraq, shyn mánisinde osy shaǵyn jańalyqtan ǵana memleketimizdiń halyqaralyq saiasat salasynda atqaryp jatqan aýqymdy da, mańyzdy jumystaryn ańǵarýǵa bolady. Bir ai buryn, Elbasy AQSh-qa resmi sapar jasap, AQSh prezidenti Donald Tramppen kezdesip, Niý-Iorkte BUU Qaýipsizdik Keńesiniń májilisin ótkizdi. AQSh-tan oralǵanyna bir ai ótpei turyp, Elbasy Qytaidyń eń iri arnasyna úlken suhbat berip, Qytai aýditoriiasyna Qazaqstannyń halyqaralyq saiasatta atqaryp jatqan jumystary, elimizdiń syrtqy saiasi bastamalary jóninde keń túsinikteme berip, mazmundy oilar aitty. Osy suhbattyń ózi elimizdiń bir ýaqytta, ártúrli baǵytta jumys atqaryp jatqanyn kórsetedi dep oilaimyn. Qazaqstannyń Shyǵyspen de Batyspen de birdei dialog ornata biletin potentsialyn aiqyndaidy», - dep jazdy ol.
E.Qarin bul oqiǵany Qytaidyń aqparattyq keńistigine elimizdiń aýqymdy media shyǵýlarynyń biri dep atady.
