قىتايدىڭ «CCTV-13» باستى جاڭالىقتار ارناسى پرەزيدەنت نۇرسۇلتان نازارباەۆتىڭ قىتاي حالقىن كەلە جاتقان كٶكتەم مەرەكەسٸ - قىتاي كٷنتٸزبەسٸ بويىنشا جاڭا جىلمەن قۇتتىقتاۋىن كٶرسەتتٸ, دەپ حابارلايدى "ۇلت اقپارات".
بۇل تۋرالى ساياساتتانۋشى ەرلان قارين ٶزٸنٸڭ Facebook پاراقشاسىندا جازدى.
«كەشە, قىتايدىڭ باستى جاڭالىقتار ارناسى - CCTV-13, نۇرسۇلتان نازارباەۆتىڭ قىتاي حالقىن كەلەجاتقان كٶكتەم مەرەكەسٸ - شىعىس كٷنتٸزبەسٸ بويىنشا جاڭا جىلمەن قۇتتىقتاۋىن كٶرسەتتٸ. وسىلايشا, قىتاي حالقىن تۆ ارقىلى جاڭا جىل مەرەكەسٸمە قۇتتىقتاعان شەتەل باسشىلارى اراسىنان قازاقستان پرەزيدەنتٸ العاشقىلاردىڭ بٸرٸ بولدى. سونىمەن بٸرگە, بۇل قۇتتىقتاۋدى قىتاي تەلەۆيزيياسىنىڭ بٸرٸنشٸ كنوپكاسى بولىپ تابىلاتىن - CCTV-1 كٶرسەتتٸ. ال ەرتەڭ, جۇما كٷنٸ, قىتاي جاڭا جىلىنىڭ العاشقى كٷنٸندە CCTV مەن CGTN تەلەارنالارى كەشكە, قازاقستان پرەزيدەنتٸنٸڭ قىتاي تەلەۆيزيياسىنا بەرگەن سۇحباتتىڭ تولىق نۇسقاسىن كٶرسەتەدٸ. بۇل بٸزدٸڭ مەملەكەتٸمٸزدٸڭ قىتايلىق اقپاراتتىق كەڭٸستٸككە ەڭ اۋقىمدى مەديا-شىعۋىمىزدىڭ بٸرٸ.
بٸرەۋ مۇنى قاتارداعى حابار رەتٸندە قابىلداۋى مٷمكٸن, بٸراق, شىن مەنٸسٸندە وسى شاعىن جاڭالىقتان عانا مەملەكەتٸمٸزدٸڭ حالىقارالىق ساياسات سالاسىندا اتقارىپ جاتقان اۋقىمدى دا, ماڭىزدى جۇمىستارىن اڭعارۋعا بولادى. بٸر اي بۇرىن, ەلباسى اقش-قا رەسمي ساپار جاساپ, اقش پرەزيدەنتٸ دونالد ترامپپەن كەزدەسٸپ, نيۋ-يوركتە بۇۇ قاۋٸپسٸزدٸك كەڭەسٸنٸڭ مەجٸلٸسٸن ٶتكٸزدٸ. اقش-تان ورالعانىنا بٸر اي ٶتپەي تۇرىپ, ەلباسى قىتايدىڭ ەڭ ٸرٸ ارناسىنا ٷلكەن سۇحبات بەرٸپ, قىتاي اۋديتوريياسىنا قازاقستاننىڭ حالىقارالىق ساياساتتا اتقارىپ جاتقان جۇمىستارى, ەلٸمٸزدٸڭ سىرتقى ساياسي باستامالارى جٶنٸندە كەڭ تٷسٸنٸكتەمە بەرٸپ, مازمۇندى ويلار ايتتى. وسى سۇحباتتىڭ ٶزٸ ەلٸمٸزدٸڭ بٸر ۋاقىتتا, ەرتٷرلٸ باعىتتا جۇمىس اتقارىپ جاتقانىن كٶرسەتەدٸ دەپ ويلايمىن. قازاقستاننىڭ شىعىسپەن دە باتىسپەن دە بٸردەي ديالوگ ورناتا بٸلەتٸن پوتەنتسيالىن ايقىندايدى», - دەپ جازدى ول.
ە.قارين بۇل وقيعانى قىتايدىڭ اقپاراتتىق كەڭٸستٸگٸنە ەلٸمٸزدٸڭ اۋقىمدى مەديا شىعۋلارىنىڭ بٸرٸ دەپ اتادى.
