Qytaidyń kem degende 54 qalasynda, sonyń ishinde «Beijiń-Tiantszin-Hebei» iri aglomeratsiiasynda aýanyń lastaný deńgeii joǵarylaǵany eskertildi, dep habarlaidy jergilikti BAQ.
54 qalanyń 47 eldi mekeninde aýanyń lastanýynyń «qyzǵylt sary» deńgeii, al taǵy jeteýinde – «sary» deńgeii jariialanǵan.
El ortalyǵyndaǵy Beijiń jáne Tiantszin qalalarynan basqa, Hebei, Henan, Shansi, Shensi jáne Shandýn provintsiialarynda qalyń tútin basady.
Qytaidyń atalǵan aimaqtarynda lastaýshy zattardyń jinalýyna ákeletin qolaisyz meteojaǵdai 18 qarashaǵa deiin saqtalady.
Beijiń qalasynyń ekologiia jáne qorshaǵan orta basqarmasynyń habarlaýynsha, aǵymdaǵy kúzgi-qysqy kezeńde energetika, ónerkásip, kólik infraqurylymyn ońtailandyrý jáne t.b salalarda aýanyń lastanýyna qarsy kúres júrgizýdiń jan-jaqty maqsatty sharalary engizilip jatyr.
