Qytaidyń ońtústiginde «Nangka» taifýnynyń áserinen bolǵan apattan qum tasýshy keme ekipajynyń alty múshesi iz-túzsiz joǵalyp ketti, dep habarlaidy Sinhýa agenttigi.
10 ekipaj múshesi mingen qum tasityn keme 20:00 shamasynda aýdarylyp ketken. Ol Qytaidyń ońtústigindegi Gýandýn provintsiiasynyń Gýanchjoý qalasyna baǵyt alǵan. Bul týraly Qytaidyń ońtústigindegi Hainan provintsiiasynyń ákimshilik ortalyǵy Haikoý qalasyndaǵy «Sansha» teńizindegi qutqarý ortalyǵy habarlady.
Qutqarýshylar zardap shekken tórt adamdy alyp shyqqan, qalǵan altaýy joǵalyp ketken.
Qutqarý kemesi oqiǵa ornyna keldi. Biraq ol qatty jel men teńizdegi alapat tolqyn saldarynan batyp bara jatqan kemege jaqyndai almady.
Qutqarý jumystary jalǵasýda. Joǵalǵandar izdestirilip jatyr.
Biyl qatarynan 16 ret bolǵan «Nangka» taifýny seisenbi kúni saǵat 19:20 shamasynda 90 km/saǵ jyldamdyqpen Hainan provintsiiasynyń Tsiýnhai qalasyna jetti.
