قىتايدىڭ وڭتٷستٸگٸندە «نانگكا» تايفۋنىنىڭ ەسەرٸنەن بولعان اپاتتان قۇم تاسۋشى كەمە ەكيپاجىنىڭ التى مٷشەسٸ ٸز-تٷزسٸز جوعالىپ كەتتٸ, دەپ حابارلايدى سينحۋا اگەنتتٸگٸ.
10 ەكيپاج مٷشەسٸ مٸنگەن قۇم تاسيتىن كەمە 20:00 شاماسىندا اۋدارىلىپ كەتكەن. ول قىتايدىڭ وڭتٷستٸگٸندەگٸ گۋاندۋن پروۆينتسيياسىنىڭ گۋانچجوۋ قالاسىنا باعىت العان. بۇل تۋرالى قىتايدىڭ وڭتٷستٸگٸندەگٸ حاينان پروۆينتسيياسىنىڭ ەكٸمشٸلٸك ورتالىعى حايكوۋ قالاسىنداعى «سانشا» تەڭٸزٸندەگٸ قۇتقارۋ ورتالىعى حابارلادى.
قۇتقارۋشىلار زارداپ شەككەن تٶرت ادامدى الىپ شىققان, قالعان التاۋى جوعالىپ كەتكەن.
قۇتقارۋ كەمەسٸ وقيعا ورنىنا كەلدٸ. بٸراق ول قاتتى جەل مەن تەڭٸزدەگٸ الاپات تولقىن سالدارىنان باتىپ بارا جاتقان كەمەگە جاقىنداي المادى.
قۇتقارۋ جۇمىستارى جالعاسۋدا. جوعالعاندار ٸزدەستٸرٸلٸپ جاتىر.
بيىل قاتارىنان 16 رەت بولعان «نانگكا» تايفۋنى سەيسەنبٸ كٷنٸ ساعات 19:20 شاماسىندا 90 كم/ساع جىلدامدىقپەن حاينان پروۆينتسيياسىنىڭ تسيۋنحاي قالاسىنا جەتتٸ.
