Qytaidaǵy Qazaqstan Respýblikasy elshiliginiń qyzmetkerleri Aqjarqyn Turlybaiǵa óz qaltasynan aqsha shyǵaryp kómektesip jatyr.
Beijińdegi QR Tótenshe jáne ókiletti elshisi Shahrat Nuryshev elshilik qyzmetkerleriniń Aqjarqyn Turlybaimen únemi bailanysta ekenin aitady.
"Mysaly, konsýl Bolat Syrlybaev eki ai saiyn qyzben júzdesip, óz qaltasynan aqsha shyǵaryp, oǵan qajettiniń bárin alyp beredi. Oqýlyqtaryn satyp alyp berdi ótkende, óitkeni qazir Aqjarqyn aǵylshyn tilin tereńdetip oqyp jatyr.
Odan bólek kúndelikti tutynysyna qajetti usaq-túiek zattaryn da ápergen. Bizde mundai shyǵyndar biýdjette qarastyrylmaǵan. Sondyqtan keide osyndai jaǵdaida ishimizden aqsha jinap, mundai shyǵyndardy ózimiz kóterip alamyz", - deidi ol.
Esirtki tasymaldady dep aiyptalǵan qazaq qyzynyń isi áli tolyqqandy qaralyp bitken joq. Elshiliktegiler qosymsha tergeý jumystary áli júrgizilip jatqanyn aitady. Tergeýshiler qazir Aqjarqyndy Qazaqstannan shyǵaryp salǵan adamdardy tekserip jatyr eken. Osy faktiler ábden zerdelengen soń ǵana Qytai soty sheshim shyǵarmaq, dep habarlaidy Astana telearnasy.
Aita keteiik, Qazaqstan azamaty Aqjarqyn Turlybai 2014 jyly naýryzda Gýanchjoý áýe-jaiynda ustalǵan bolatyn. Oǵan shekaradan 4,5 keli esirtkini alyp ótpek boldy degen aiyp taǵyldy. Al Aqjarqyn ony ózine bildirtpei bireýler tyǵyp jiberdi deýmen keledi.
Qytai soty ony ómir boiyna bas bostandyǵynan aiyrǵan bolatyn. Alaida keiinnen sot sheshimi joiylyp, isti qaita qaraýǵa jibergen.
