قىتايداعى قازاقستان رەسپۋبليكاسى ەلشٸلٸگٸنٸڭ قىزمەتكەرلەرٸ اقجارقىن تۇرلىبايعا ٶز قالتاسىنان اقشا شىعارىپ كٶمەكتەسٸپ جاتىر.
بەيجٸڭدەگٸ قر تٶتەنشە جەنە ٶكٸلەتتٸ ەلشٸسٸ شاحرات نۇرىشەۆ ەلشٸلٸك قىزمەتكەرلەرٸنٸڭ اقجارقىن تۇرلىبايمەن ٷنەمٸ بايلانىستا ەكەنٸن ايتادى.
"مىسالى, كونسۋل بولات سىرلىباەۆ ەكٸ اي سايىن قىزبەن جٷزدەسٸپ, ٶز قالتاسىنان اقشا شىعارىپ, وعان قاجەتتٸنٸڭ بەرٸن الىپ بەرەدٸ. وقۋلىقتارىن ساتىپ الىپ بەردٸ ٶتكەندە, ٶيتكەنٸ قازٸر اقجارقىن اعىلشىن تٸلٸن تەرەڭدەتٸپ وقىپ جاتىر.
ودان بٶلەك كٷندەلٸكتٸ تۇتىنىسىنا قاجەتتٸ ۇساق-تٷيەك زاتتارىن دا ەپەرگەن. بٸزدە مۇنداي شىعىندار بيۋدجەتتە قاراستىرىلماعان. سوندىقتان كەيدە وسىنداي جاعدايدا ٸشٸمٸزدەن اقشا جيناپ, مۇنداي شىعىنداردى ٶزٸمٸز كٶتەرٸپ الامىز", - دەيدٸ ول.
ەسٸرتكٸ تاسىمالدادى دەپ ايىپتالعان قازاق قىزىنىڭ ٸسٸ ەلٸ تولىققاندى قارالىپ بٸتكەن جوق. ەلشٸلٸكتەگٸلەر قوسىمشا تەرگەۋ جۇمىستارى ەلٸ جٷرگٸزٸلٸپ جاتقانىن ايتادى. تەرگەۋشٸلەر قازٸر اقجارقىندى قازاقستاننان شىعارىپ سالعان ادامداردى تەكسەرٸپ جاتىر ەكەن. وسى فاكتٸلەر ەبدەن زەردەلەنگەن سوڭ عانا قىتاي سوتى شەشٸم شىعارماق, دەپ حابارلايدى استانا تەلەارناسى.
ايتا كەتەيٸك, قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋە-جايىندا ۇستالعان بولاتىن. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ال اقجارقىن ونى ٶزٸنە بٸلدٸرتپەي بٸرەۋلەر تىعىپ جٸبەردٸ دەۋمەن كەلەدٸ.
قىتاي سوتى ونى ٶمٸر بويىنا باس بوستاندىعىنان ايىرعان بولاتىن. الايدا كەيٸننەن سوت شەشٸمٸ جويىلىپ, ٸستٸ قايتا قاراۋعا جٸبەرگەن.
