Sársenbi kúni Qytaidyń Ýhan qalasynda (Ortalyq Qytai, Hýbei provintsiiasy) jańa týǵan sábidiń koronavirýs juqtyrǵany týraly aqparat rastaldy, – dep habarlaidy «Sinhýa» agenttigi.
Sábi dúniege kelgen soń 30 saǵattan soń jańa koronavirýs infektsiiasyna tekserildi. Osy ýaqytta anasynyń taldaýy koronavirýsqa oń nátije berdi. Náreste Ýhandaǵy mamandandyrylǵan balalar aýrýhanasynda baqylaýda, onyń jaǵdaiy turaqty dep baǵalandy. Qytailyq dárigerler «infektsiianyń anadan balaǵa tikelei berilý» yqtimaldyǵyn qarastyrýda.
Sońǵy derekter boiynsha (5 aqpan kúni saǵat 24:00-degi jaǵdai boiynsha) 28 myńnan astam adam koronavirýs juqtyrǵany rastaldy, onyń 563-i qaitys bolsa, 1 153-i aýrýhanadan shyǵaryldy. Sońǵy táýlikte 3 694 adamǵa aýrý juqqany anyqtalǵan. Olardyń 73-i qaitys bolǵan (Hýbei provintsiiasynda-70, Heilýntszianda – 1, Gýichjoýda - 1, Tiantszinda - 1). 261 adam aýrýhanadan shyqty. Qazirgi ýaqytta 24 myńnan astam adam koronavirýs juqtyrýy múmkin degen kúdikpen tirkeýde tur, 186 myńy meditsinalyq baqylaýǵa alynǵan.
