سەرسەنبٸ كٷنٸ قىتايدىڭ ۋحان قالاسىندا (ورتالىق قىتاي, حۋبەي پروۆينتسيياسى) جاڭا تۋعان سەبيدٸڭ كوروناۆيرۋس جۇقتىرعانى تۋرالى اقپارات راستالدى, – دەپ حابارلايدى «سينحۋا» اگەنتتٸگٸ.
سەبي دٷنيەگە كەلگەن سوڭ 30 ساعاتتان سوڭ جاڭا كوروناۆيرۋس ينفەكتسيياسىنا تەكسەرٸلدٸ. وسى ۋاقىتتا اناسىنىڭ تالداۋى كوروناۆيرۋسقا وڭ نەتيجە بەردٸ. نەرەستە ۋحانداعى مامانداندىرىلعان بالالار اۋرۋحاناسىندا باقىلاۋدا, ونىڭ جاعدايى تۇراقتى دەپ باعالاندى. قىتايلىق دەرٸگەرلەر «ينفەكتسييانىڭ انادان بالاعا تٸكەلەي بەرٸلۋ» ىقتيمالدىعىن قاراستىرۋدا.
سوڭعى دەرەكتەر بويىنشا (5 اقپان كٷنٸ ساعات 24:00-دەگٸ جاعداي بويىنشا) 28 مىڭنان استام ادام كوروناۆيرۋس جۇقتىرعانى راستالدى, ونىڭ 563-ٸ قايتىس بولسا, 1 153-ٸ اۋرۋحانادان شىعارىلدى. سوڭعى تەۋلٸكتە 3 694 ادامعا اۋرۋ جۇققانى انىقتالعان. ولاردىڭ 73-ٸ قايتىس بولعان (حۋبەي پروۆينتسيياسىندا-70, حەيلۋنتسزياندا – 1, گۋيچجوۋدا - 1, تيانتسزيندا - 1). 261 ادام اۋرۋحانادان شىقتى. قازٸرگٸ ۋاقىتتا 24 مىڭنان استام ادام كوروناۆيرۋس جۇقتىرۋى مٷمكٸن دەگەن كٷدٸكپەن تٸركەۋدە تۇر, 186 مىڭى مەديتسينالىق باقىلاۋعا الىنعان.
