Biylǵy jyl basynan beri Covid-19-dyń kúrt artýy tirkelgen Qytaidyń Hebei provintsiiasynda izoliatordyń qurylysy bastaldy, dep habarlaidy "Ult aqparat".
Osy aptada bastalǵan qurylys Shitsziachjýan qalasynyń mańynda júrgizilýde. Bul qalada koronavirýstyń taralýy kúrt óskendikten lokdaýn engizildi. Oqshaýlaý aýrýhana 33 gektar aýmaqty almaq.
Joba merdigeriniń aitýynsha, 3 myńǵa jýyq palata daiyndaý tapsyrylǵan. Ár palatanyń aýdany – 18 sharshy metr.
Eske salsaq, «Hoshenshan» mamandandyrylǵan alǵashqy aýrýhanasy Qytaida koronavirýstyń taralý oshaǵyna ainalǵan Ýhanda (Hýbei provintsiiasy) 10 kúnde salynǵan bolatyn. Jalpy aýmaǵy 25 myń sharshy metrdi quraityn aýrýhana bir mezette 1 myńǵa jýyq naýqasty qabyldai aldy.
Shitsziachjýandaǵy aýrýlardyń aldyn alý jáne baqylaý shtabynyń (Hebei provintsiiasy) nusqamasyna sáikes, Shitsziachjýan men onyń tóńireginde turatyn jergilikti turǵyndarǵa 19 qańtarǵa deiin úiden shyqpaý mindetteldi.
Qytaida ótken bir táýlikte koronavirýs infektsiiasynyń 115 rastalǵan jergilikti jaǵdaiy tirkeldi, olardyń 90-y Hebei provintsiiasynda, 23-i Heilýntszian provintsiiasynda, 2-eýi Beijińde.
