بيىلعى جىل باسىنان بەرٸ Covid-19-دىڭ كٷرت ارتۋى تٸركەلگەن قىتايدىڭ حەبەي پروۆينتسيياسىندا يزولياتوردىڭ قۇرىلىسى باستالدى, دەپ حابارلايدى "ۇلت اقپارات".
وسى اپتادا باستالعان قۇرىلىس شيتسزياچجۋان قالاسىنىڭ ماڭىندا جٷرگٸزٸلۋدە. بۇل قالادا كوروناۆيرۋستىڭ تارالۋى كٷرت ٶسكەندٸكتەن لوكداۋن ەنگٸزٸلدٸ. وقشاۋلاۋ اۋرۋحانا 33 گەكتار اۋماقتى الماق.
جوبا مەردٸگەرٸنٸڭ ايتۋىنشا, 3 مىڭعا جۋىق پالاتا دايىنداۋ تاپسىرىلعان. ەر پالاتانىڭ اۋدانى – 18 شارشى مەتر.
ەسكە سالساق, «حوشەنشان» مامانداندىرىلعان العاشقى اۋرۋحاناسى قىتايدا كوروناۆيرۋستىڭ تارالۋ وشاعىنا اينالعان ۋحاندا (حۋبەي پروۆينتسيياسى) 10 كٷندە سالىنعان بولاتىن. جالپى اۋماعى 25 مىڭ شارشى مەتردٸ قۇرايتىن اۋرۋحانا بٸر مەزەتتە 1 مىڭعا جۋىق ناۋقاستى قابىلداي الدى.
شيتسزياچجۋانداعى اۋرۋلاردىڭ الدىن الۋ جەنە باقىلاۋ شتابىنىڭ (حەبەي پروۆينتسيياسى) نۇسقاماسىنا سەيكەس, شيتسزياچجۋان مەن ونىڭ تٶڭٸرەگٸندە تۇراتىن جەرگٸلٸكتٸ تۇرعىندارعا 19 قاڭتارعا دەيٸن ٷيدەن شىقپاۋ مٸندەتتەلدٸ.
قىتايدا ٶتكەن بٸر تەۋلٸكتە كوروناۆيرۋس ينفەكتسيياسىنىڭ 115 راستالعان جەرگٸلٸكتٸ جاعدايى تٸركەلدٸ, ولاردىڭ 90-ى حەبەي پروۆينتسيياسىندا, 23-ٸ حەيلۋنتسزيان پروۆينتسيياسىندا, 2-ەۋٸ بەيجٸڭدە.
