8 aqpan kúngi derek boiynsha, Qytaida koronavirýstan kóz jumǵandar sany 722-ge jetti. 34 546 adamnan virýs tabylǵan. Qytai biliginiń deregine súiengen Reuters agenttigi qazirgi kezde Qytaidan tys 27 memlekette 320 oqiǵasy tirkelgenin habarlady.
Ótken jyldyń sońynda epidemiia bastalmai turyp, koronavirýstyń qaýpi jaily eskertken, sol úshin jazalanǵan dáriger Li Venlian kóz jumǵannan keiin internette bilikti synaǵan pikirler kóbeidi. Qoǵam narazylyǵynan keiin bilik jurt kótergen "máseleler tolyq zerttelgenge keiin" úkimet komandasyn taratatynyn aitty.
Naýqastardy emdegen 34 jastaǵy oftalmolog Li Venlian osy aptada koronavirýstan kóz jumǵan. Sarapshylardyń aitýynsha, dáriger naýqastardy emdegen kezde olarǵa tym jaqyn otyrǵan. Osylaisha aýyr naýqastanǵan. Ol virýs oshaǵy sanalatyn Ýhan qalasynda áriptesteri men qarapaiym jurtty koronavirýstan erterek saqtandyrýǵa tyrysqan segiz dárigerdiń biri bolǵan. Politsiia buǵan deiin virýs jaily "jalǵan aqparat taratqany úshin" sógis jariialaǵan.
