8 اقپان كٷنگٸ دەرەك بويىنشا, قىتايدا كوروناۆيرۋستان كٶز جۇمعاندار سانى 722-گە جەتتٸ. 34 546 ادامنان ۆيرۋس تابىلعان. قىتاي بيلٸگٸنٸڭ دەرەگٸنە سٷيەنگەن Reuters اگەنتتٸگٸ قازٸرگٸ كەزدە قىتايدان تىس 27 مەملەكەتتە 320 وقيعاسى تٸركەلگەنٸن حابارلادى.
ٶتكەن جىلدىڭ سوڭىندا ەپيدەمييا باستالماي تۇرىپ, كوروناۆيرۋستىڭ قاۋپٸ جايلى ەسكەرتكەن, سول ٷشٸن جازالانعان دەرٸگەر لي ۆەنليان كٶز جۇمعاننان كەيٸن ينتەرنەتتە بيلٸكتٸ سىناعان پٸكٸرلەر كٶبەيدٸ. قوعام نارازىلىعىنان كەيٸن بيلٸك جۇرت كٶتەرگەن "مەسەلەلەر تولىق زەرتتەلگەنگە كەيٸن" ٷكٸمەت كومانداسىن تاراتاتىنىن ايتتى.
ناۋقاستاردى ەمدەگەن 34 جاستاعى وفتالمولوگ لي ۆەنليان وسى اپتادا كوروناۆيرۋستان كٶز جۇمعان. ساراپشىلاردىڭ ايتۋىنشا, دەرٸگەر ناۋقاستاردى ەمدەگەن كەزدە ولارعا تىم جاقىن وتىرعان. وسىلايشا اۋىر ناۋقاستانعان. ول ۆيرۋس وشاعى سانالاتىن ۋحان قالاسىندا ەرٸپتەستەرٸ مەن قاراپايىم جۇرتتى كوروناۆيرۋستان ەرتەرەك ساقتاندىرۋعا تىرىسقان سەگٸز دەرٸگەردٸڭ بٸرٸ بولعان. پوليتسييا بۇعان دەيٸن ۆيرۋس جايلى "جالعان اقپارات تاراتقانى ٷشٸن" سٶگٸس جارييالاعان.
