2 aqpanda Qytaidyń densaýlyq saqtaý salasy mamandary Ýhan qalasynan taraǵan koronavirýstan keminde 304 adamnyń kóz jumǵanyn habarlady. 14 380 adam virýsty juqtyrǵan.
Qytaidan tys aýmaqta da virýs jyldam tarap jatyr. Sońǵy eki kúnde Resei, Ulybritaniia, Shvetsiia alǵashqy virýsty juqtyrý oqiǵasynyń tirkelgenin habarlady. Virýstyń taralýyn toqtatý úshin Qytaiǵa barýǵa tyiym salǵan memleketter qatary kóbeidi. AQSh, Avstraliia sońǵy eki aptada Qytaida bolǵan azamattardyń elge kirýine tyiym saldy.
AQSh-tyń densaýlyq saqtaý ministri Aleks Azar jaqynda Qytaida bolǵan "shetel azamattarynyń (AQSh-ta jaqyndary bar nemese sonda turaqty tirkelgen azamattardan basqasy) AQSh-qa kirýine tyiym salynady" dedi. AQSh qorǵanys ministri Mark Esper karantin orny retinde áskeri bazalardy paidalaný týraly densaýlyq saqtaý mamandarynyń ótinishin qabyldaǵanyn rastady.
Dúniejúzilik densaýlyq saqtaý uiymy 1 aqpanda álem elderin koronavirýstyń jergilikti aýmaqta taralýyna daiyn bolýǵa shaqyrǵan.
Sońǵy derek boiynsha, keminde 25 memleketten koronavirýs tabylǵan. Naýqastardyń kóbi jaqynda Qytaidan kelgen nemese Qytaidan kelgendermen bailanysta bolǵan adamdar.
