Qytaida koronavirýstan kóz jumǵandar sany 1770 adamǵa jetti, dep habarlaidy QHR Gigiena jáne densaýlyq saqtaý máseleleri jónindegi memlekettik komiteti.
Ótken táýlikte (16 aqpan saǵat 24:00-degi jaǵdai boiynsha) materiktik Qytaida koronavirýstyń jańa túrin juqtyrýdyń 2048 jaǵdaiy (Hýbei provintsiiasynda -1933) anyqtaldy, 105 adam kóz jumdy (Hýbeide-100).
Sońǵy málimetter boiynsha, QHR-da koronavirýs juqtyrý jaǵdailarynyń rastalǵan jalpy sany 70 myńnan asty, qaza tapqany - 1770, emdelip, aýrýhanadan shyǵarylǵandary – 10 myńnan astam adam.
Resmi statistikaǵa sáikes, materiktik Qytaida koronavirýspen aýyrǵandar sany kún saiyn epidemiianyń oshaǵy bolyp sanalatyn Hýbei provintsiiasynan tys jerlerde on úshinshi kún qatarynan tómendeýde.
Gonkongte koronavirýs juqtyrý jaǵdailarynyń rastalǵan 57 faktisi tirkeldi, Makaoda (Aomen) – 10, Taivanda – 20.
Qazaqstanmen shekaralasyp jatqan QHR-dyń Shyńjań-Uiǵyr avtonomiialyq ólkesi (Qytai) 75 jańa koronavirýs oqiǵasy tirkeldi, onyń bireýi kóz jumdy, 12-si emdelip shyqty.
Qazirgi ýaqytta ShUAA Ile-Qazaq avtonomiialy oblysynda (IKAO) 14 patsient emdelýde, al Shyńjań-Uiǵyr Avtonomiialyq ólkesiniń ákimshilik ortalyǵy Úrimshi qalasynda - 19. Jalpy, Shyńjańda bes myńnan astam adam meditsinalyq baqylaýda.
