قىتايدا كوروناۆيرۋستان كٶز جۇمعاندار سانى 1770 ادامعا جەتتٸ, دەپ حابارلايدى قحر گيگيەنا جەنە دەنساۋلىق ساقتاۋ مەسەلەلەرٸ جٶنٸندەگٸ مەملەكەتتٸك كوميتەتٸ.
ٶتكەن تەۋلٸكتە (16 اقپان ساعات 24:00-دەگٸ جاعداي بويىنشا) ماتەريكتٸك قىتايدا كوروناۆيرۋستىڭ جاڭا تٷرٸن جۇقتىرۋدىڭ 2048 جاعدايى (حۋبەي پروۆينتسيياسىندا -1933) انىقتالدى, 105 ادام كٶز جۇمدى (حۋبەيدە-100).
سوڭعى مەلٸمەتتەر بويىنشا, قحر-دا كوروناۆيرۋس جۇقتىرۋ جاعدايلارىنىڭ راستالعان جالپى سانى 70 مىڭنان استى, قازا تاپقانى - 1770, ەمدەلٸپ, اۋرۋحانادان شىعارىلعاندارى – 10 مىڭنان استام ادام.
رەسمي ستاتيستيكاعا سەيكەس, ماتەريكتٸك قىتايدا كوروناۆيرۋسپەن اۋىرعاندار سانى كٷن سايىن ەپيدەمييانىڭ وشاعى بولىپ سانالاتىن حۋبەي پروۆينتسيياسىنان تىس جەرلەردە ون ٷشٸنشٸ كٷن قاتارىنان تٶمەندەۋدە.
گونكونگتە كوروناۆيرۋس جۇقتىرۋ جاعدايلارىنىڭ راستالعان 57 فاكتٸسٸ تٸركەلدٸ, ماكاودا (اومەن) – 10, تايۆاندا – 20.
قازاقستانمەن شەكارالاسىپ جاتقان قحر-دىڭ شىڭجاڭ-ۇيعىر اۆتونومييالىق ٶلكەسٸ (قىتاي) 75 جاڭا كوروناۆيرۋس وقيعاسى تٸركەلدٸ, ونىڭ بٸرەۋٸ كٶز جۇمدى, 12-سٸ ەمدەلٸپ شىقتى.
قازٸرگٸ ۋاقىتتا شۇاا ٸلە-قازاق اۆتونومييالى وبلىسىندا (يكاو) 14 پاتسيەنت ەمدەلۋدە, ال شىڭجاڭ-ۇيعىر اۆتونومييالىق ٶلكەسٸنٸڭ ەكٸمشٸلٸك ورتالىعى ٷرٸمشٸ قالاسىندا - 19. جالپى, شىڭجاڭدا بەس مىڭنان استام ادام مەديتسينالىق باقىلاۋدا.
