Astanada qytai dókeilerine qyz izdegen neke agenttiginiń direktory qorqytyp-úrkitý mánindegi hattardyń túsip jatqanyna bailanysty quqyq qorǵaý organdaryna aryz jazdy, - dep habarlaidy "Ult aqparat" kaz.tengrinews.kz portalyna silteme jasap. Bul týraly tolyǵyraq direktor Tatiana Logvinenko aityp berdi.
"Qorqytyp-úrkitý deregi boiynsha Beibitshilik 19 mekenjaiyndaǵy IID-ge aryz jazdym", - dedi Gimeney neke agenttiginiń direktory Tatiana Logvinenko.
"Maǵan áielderdi saýdalap jatsyń dep tiisti. Al osy kúnderi biz klientterimizden qoldaý kórip otyrmyz, olar habarlasyp, kómek qolyn sozamyz dep jatyr. Neke agenttigimizdiń negizgi maqsaty - adamdardy baqytty etý. Onyń ulty qandai bolatyny mańyzdy emes. Áiel sheteldikke turmysqa shyqqysy kelse - oǵan eshkim tyiym sala almaidy. Baqytty bolyp, bala súigisi kelse - bul onyń jeke sharýasy. Bul joba qazaqtar úshin emes, qazaqstandyqtar úshin. Bul jobaǵa orystar da, belorýster de, uiǵyrlar da, tatar qyzdary da qatysady, tek qazaq qyzdary emes. Qalaǵan adam qatysady", - dedi neke agenttiginiń ókilderi.
Agenttiktegiler elordada kúieý jigitter az deidi.
"Ótkir másele bul. Astanada bir er adamǵa segiz qyzdan keledi. Al endi áielderimiz ne isteýi kerek? 37-45 jastaǵylar qaitedi? Olar turmysqa shyqpaǵan, bala súimegen. Al bizdiń qoǵam 40-tan asqandardy qoqysqa tastap jatyr. Klientterimiz ár túrli, jastary 32-den 55-ke deiin barady. Qytaimen qatar, Batys Eýropa elderiniń agenttikterimen jumys isteimiz. Buǵan bailanysty eshkim de narazy bolmaǵan", - dedi Logvinenko.
Aita keteiik, Prokýratýranyń málimetinshe, 11 qańtarda shamamen saǵat 11.30-da Respýblika, 42 mekenjaiynda ornalasqan "Indira i K" biznes ortalyǵynyń jeke territoriiasynda 20 adam jinalyp, GIMENEY agenttiginiń qyzmetine narazylyq bildirgen. "Osy derek boiynsha, ishki ister organdary men prokýratýra qyzmetkerleri oqiǵa ornyna bardy. Biznes-ortalyqtyń basshylyǵynan shaǵym men ótinish túspegendikten, quqyq qorǵaý organdarynyń ókilderi alda bolýy múmkin zańbuzýshylyqtardyń aldyn alý boiynsha shara júrgizdi", - delingen habarlamada.
Oqiǵa ornynda aýdandyq prokýratýra túsindirý jumystaryn júrgizgennen keiin narazylyq tanytýshylarǵa kompaniianyń keńsesine kirý usynylǵan. Sóitip, agenttik basshysymen baspasóz máslihaty ótkizildi. Máslihat aiaqtalǵannan keiin jinalǵandar tarap ketken.
"Astana ákimdigine osy másele boiynsha narazylyq aktsiiasyn uiymdastyrý boiynsha ótinish kelip túspegenin qosymsha habarlaimyz", - dep atap ótti prokýratýra ókilderi.
Eske salaiyq, qazaqstandyqtar Beijińnen keledi delingen dókei qytailarǵa qazaqstandyq qalyńdyqtardy jinaý týraly habarlandyrýǵa narazy bolǵan edi. Osyndai mazmundaǵy habarlama Facebook áleýmettik jelisindegi "Doska obiavlenii Almaty, Astana" pabliginde jariialanǵan. Habarlamada Beijińnen kelgen dókei jigitter toby qazaqstandyq qyzdar men shynaiy qarym-qatynas qurý úshin kele jatqany aitylady.
