استانادا قىتاي دٶكەيلەرٸنە قىز ٸزدەگەن نەكە اگەنتتٸگٸنٸڭ ديرەكتورى قورقىتىپ-ٷركٸتۋ مەنٸندەگٸ حاتتاردىڭ تٷسٸپ جاتقانىنا بايلانىستى قۇقىق قورعاۋ ورگاندارىنا ارىز جازدى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ. بۇل تۋرالى تولىعىراق ديرەكتور تاتيانا لوگۆينەنكو ايتىپ بەردٸ.
"قورقىتىپ-ٷركٸتۋ دەرەگٸ بويىنشا بەيبٸتشٸلٸك 19 مەكەنجايىنداعى ٸٸد-گە ارىز جازدىم", - دەدٸ Gimeney نەكە اگەنتتٸگٸنٸڭ ديرەكتورى تاتيانا لوگۆينەنكو.
"ماعان ەيەلدەردٸ ساۋدالاپ جاتسىڭ دەپ تيٸستٸ. ال وسى كٷندەرٸ بٸز كليەنتتەرٸمٸزدەن قولداۋ كٶرٸپ وتىرمىز, ولار حابارلاسىپ, كٶمەك قولىن سوزامىز دەپ جاتىر. نەكە اگەنتتٸگٸمٸزدٸڭ نەگٸزگٸ ماقساتى - ادامداردى باقىتتى ەتۋ. ونىڭ ۇلتى قانداي بولاتىنى ماڭىزدى ەمەس. ەيەل شەتەلدٸككە تۇرمىسقا شىققىسى كەلسە - وعان ەشكٸم تىيىم سالا المايدى. باقىتتى بولىپ, بالا سٷيگٸسٸ كەلسە - بۇل ونىڭ جەكە شارۋاسى. بۇل جوبا قازاقتار ٷشٸن ەمەس, قازاقستاندىقتار ٷشٸن. بۇل جوباعا ورىستار دا, بەلورۋستەر دە, ۇيعىرلار دا, تاتار قىزدارى دا قاتىسادى, تەك قازاق قىزدارى ەمەس. قالاعان ادام قاتىسادى", - دەدٸ نەكە اگەنتتٸگٸنٸڭ ٶكٸلدەرٸ.
اگەنتتٸكتەگٸلەر ەلوردادا كٷيەۋ جٸگٸتتەر از دەيدٸ.
"ٶتكٸر مەسەلە بۇل. استانادا بٸر ەر ادامعا سەگٸز قىزدان كەلەدٸ. ال ەندٸ ەيەلدەرٸمٸز نە ٸستەۋٸ كەرەك? 37-45 جاستاعىلار قايتەدٸ? ولار تۇرمىسقا شىقپاعان, بالا سٷيمەگەن. ال بٸزدٸڭ قوعام 40-تان اسقانداردى قوقىسقا تاستاپ جاتىر. كليەنتتەرٸمٸز ەر تٷرلٸ, جاستارى 32-دەن 55-كە دەيٸن بارادى. قىتايمەن قاتار, باتىس ەۋروپا ەلدەرٸنٸڭ اگەنتتٸكتەرٸمەن جۇمىس ٸستەيمٸز. بۇعان بايلانىستى ەشكٸم دە نارازى بولماعان", - دەدٸ لوگۆينەنكو.
ايتا كەتەيٸك, پروكۋراتۋرانىڭ مەلٸمەتٸنشە, 11 قاڭتاردا شامامەن ساعات 11.30-دا رەسپۋبليكا, 42 مەكەنجايىندا ورنالاسقان "ينديرا ي ك" بيزنەس ورتالىعىنىڭ جەكە تەرريتوريياسىندا 20 ادام جينالىپ, GIMENEY اگەنتتٸگٸنٸڭ قىزمەتٸنە نارازىلىق بٸلدٸرگەن. "وسى دەرەك بويىنشا, ٸشكٸ ٸستەر ورگاندارى مەن پروكۋراتۋرا قىزمەتكەرلەرٸ وقيعا ورنىنا باردى. بيزنەس-ورتالىقتىڭ باسشىلىعىنان شاعىم مەن ٶتٸنٸش تٷسپەگەندٸكتەن, قۇقىق قورعاۋ ورگاندارىنىڭ ٶكٸلدەرٸ الدا بولۋى مٷمكٸن زاڭبۇزۋشىلىقتاردىڭ الدىن الۋ بويىنشا شارا جٷرگٸزدٸ", - دەلٸنگەن حابارلامادا.
وقيعا ورنىندا اۋداندىق پروكۋراتۋرا تٷسٸندٸرۋ جۇمىستارىن جٷرگٸزگەننەن كەيٸن نارازىلىق تانىتۋشىلارعا كومپانييانىڭ كەڭسەسٸنە كٸرۋ ۇسىنىلعان. سٶيتٸپ, اگەنتتٸك باسشىسىمەن باسپاسٶز مەسليحاتى ٶتكٸزٸلدٸ. مەسليحات اياقتالعاننان كەيٸن جينالعاندار تاراپ كەتكەن.
"استانا ەكٸمدٸگٸنە وسى مەسەلە بويىنشا نارازىلىق اكتسيياسىن ۇيىمداستىرۋ بويىنشا ٶتٸنٸش كەلٸپ تٷسپەگەنٸن قوسىمشا حابارلايمىز", - دەپ اتاپ ٶتتٸ پروكۋراتۋرا ٶكٸلدەرٸ.
ەسكە سالايىق, قازاقستاندىقتار بەيجٸڭنەن كەلەدٸ دەلٸنگەن دٶكەي قىتايلارعا قازاقستاندىق قالىڭدىقتاردى جيناۋ تۋرالى حابارلاندىرۋعا نارازى بولعان ەدٸ. وسىنداي مازمۇنداعى حابارلاما Facebook ەلەۋمەتتٸك جەلٸسٸندەگٸ "دوسكا وبياۆلەنيي الماتى, استانا" پابليگٸندە جارييالانعان. حابارلامادا بەيجٸڭنەن كەلگەن دٶكەي جٸگٸتتەر توبى قازاقستاندىق قىزدار مەن شىنايى قارىم-قاتىناس قۇرۋ ٷشٸن كەلە جاتقانى ايتىلادى.
