Qyrǵyzstan parlamentiniń eki depýtaty - Emil Jamgyrchiev pen Shyńǵys Aidarbekov qyrǵyz-qazaq shekarasynan ótkizilmedi. Bul týraly 24.kg jazdy, - dep habarlaidy Massaget.kz portaly.
Depýtattar Qazaqstanǵa jeke sharýalarymen kelmek bolǵany naqtylandy. Alaida olardyń "Aq-Jol-avtojol" baqylaý-ótkizý beketi arqyly ótýine ruqsat berilmegen. Keibir málimet boiynsha, ol jerge arnaiy qyzmet ókilderi jetip, ekeýin de Ulttyq qaýipsizdik memlekettik komitetine alyp ketken.
24.kg aqparat agenttiginiń málimetinshe, Kempir-Abad sý qoimasyn Ózbekstanǵa berýge qarsy daýys bergenderdiń qatarynda Emil Jamgyrchiev pen Shyńǵys Aidarbekov bar. Ekeýi de - "Alians" fraktsiiasynyń músheleri.
Keiin parlament depýtaty Elvira Sýrabaldieva Twitter paraqshasynda Emil Jamgyrchievtiń Ulttyq qaýipsizdik memlekettik komitetinen bosatylǵanyn habarlady.
Onyń aitýynsha, áriptesteri Emil Jamgyrchiev pen Shyńǵys Aidarbekov Qordaidaǵy (Qazaqstan) ótkizý beketi arqyly jerleýge bara jatqan.
